Aıjan Esmaǵambetova tasqynnan keıin óńirlerdegi sýdyń sapasyna qatysty zertteý nátıjesin jarııalady

<p>ASTANA. KAZINFORM &mdash; QR Densaýlyq saqtaý vıtse-mınıstri &ndash; Bas memlekettik sanıtarııalyq dárigeri Aıjan Esmaǵambetova sý tasqynynan keıin óńirlerde jasalǵan zertteý nátıjesin jarııalady.</p>

Búgin Senattyń jalpy otyrysynda depýtat Bıbigúl Jeksenbaı qazir sý tasqyny saldarynan óńirlerde juqpaly aýrýlardyń taralýy qaýpi bar ekenin atap ótti. Bul rette, ekologtar men dárigerler tasqyn sýdan sibir jarasy kómilgen jerlerdiń ashylý qaýpi týraly aıtyp jatyr. Kemirgishter de túrli aýrýlardyń qozdyrǵyshtary bolatyny belgili. Kórshi Reseıdegi jaǵdaı da osyndaı bolyp tur.

Óz kezeginde Aıjan Esmaǵambetova qazir epıdemıologııalyq jaǵdaı turaqty ekenin aıtty.

«Sý tasqyny bastalǵannan keıin Reseıdegi bas memlekettik sanıtarııalyq dárigerimen baılanystamyz. Árbir 2-3 kún saıyn osy epıdemıologııalyq jaǵdaı týraly jáne sýdy zertteý nátıjeleri boıynsha, sondaı-aq profılaktıkalyq is-sharalar týraly aqparat almasyp otyrmyz», - dedi vıtse-mınıstr.

Onyń aıtýynsha, sý tasqyny bastalǵannan keıin sanıtarlyq-epıdemıologııalyq qyzmettiń jumysy kúsheıtilgen rejımde atqarylyp jatyr.

«Sýmen taralatyn juqpaly aýrýlardyń aldyn alý úshin sýmen qamtamasyz etý júıesin baqylaý kúsheıtildi. Qazir sýǵa qatysty 10 myńnan astam zertteý jasaldy. Onyń nátıjesinde sýmen taralatyn juqpaly aýrýlardyń qaýpi óte tómen ekeni anyqtaldy», - dedi ol.

Aıjan Esmaǵambetova sý basqan óńirlerde 6 myńnan astam epıdemıologııalyq mańyzy bar nysan bar ekenin atap ótti.

«Sý basqan obektilerge kún saıyn monıtorıng jasalyp jatyr. Endi sý tartylǵan jerlerdegi atalǵan nysandarda dezınfektsııalaý jumystary iske asyrylyp jatyr. Qazir 4 myńnan astam obektide dezınfektsııa jasaldy. Bul jumystarǵa bizge Qorǵanys mınıstrliginiń mamandary kómektesip jatyr», - dedi vıtse-mınıstr.

Onyń sózine qaraǵanda, qaýipti arýlary bar mal kómilgen 12 nysandy sý basqan jáne olar Aqtóbe, Batys Qazaqstan, Soltústik Qazaqstan oblystarynda. Sýy ketken jerlerde veterınar mamandarmen birge tıisti jumystar atqarylyp jatyr.

«Topyraqtan synamalar alyndy. Zertteý nátıjesinde potogendi mıkroaǵzalar anyqtalmady. Biraq oǵan qaramastan sibir jarasy jáne basqa aýrýlary bar mal kómilgen oryndarǵa dezınfektsııa jasaldy. Soltústik Qazaqstan oblysynda sibir jarasy jáne mal kómilgen oryndardy áli de sý basyp tur. Bul jerler zettelip, potogendi mıkroaǵzalar anyqtalmady. Sý tartylǵannan keıin, taǵy da osyndaı jumystar iske asyrylady», - dedi A. Esmaǵambetova.

Budan buryn habarlanǵandaı, Aýyl sharýashylyǵy mınıstrligi Veterınarııalyq baqylaý jáne qadaǵalaý komıtetiniń bas sarapshysy Erlan Tasbolatov sibir jarasy kómindilerin zertteý jumysy týraly aıtyp berdi.