Aıjan Esmaǵambetova: Óńirlik vedomstvoaralyq shtab eldi mekende karantındik sharalardy kúsheıte alady
«Qazirgi kezde koronavırýs ınfektsııasy boıynsha epıdemıologııalyq jaǵdaı áli de turaqty emes. Óńirler arasyndaǵy áýe qatynasy burynǵy deńgeıde qalady. Áýe reısteriniń baǵyttary men jıiligi artpaıdy. Jolaýshylardy temir jol kóligimen tasymaldaý qysqartylady. Qalamańy qatynasy jáne jalpy vagondardy jasaqtaý toqtatylady. Qalaaralyq avtobýstarmen tasymaldaý tyıylady», - dedi Bas sanıtar dáriger Ortalyq kommýnıkatsııalar qyzmetindegi brfıng barysynda BAQ ókilderiniń saýalyna oraı.
Onyń atap ótýinshe, qatań shekteý sharalaryn iske asyrý kezinde jaǵdaıǵa turaqty monıtorıng jáne qabyldanatyn sharalardyń tıimdiligine baǵalaý júrgiziledi.
«Bul rette naqty óńirdegi qalyptasqan epıdemıologııalyq jaǵdaı eskerile otyryp, vedomstvoaralyq shtabtardyń sheshimimen eldi mekenderde karantındik sharalar kúsheıtilýi múmkin, - dedi Aıjan Esmaǵambetova.