Aıjan Esmaǵambetova: Eldegi koronavırýstyń taralýy byltyrǵydan áldeqaıda tómen

<p>Densaýlyq saqtaý vıtse-mınıstri, memlekettik bas sanıtar dáriger Aıjan Esmaǵambetova BAQ ókilderine eldegi koronavırýstyń taralý deńgeıi týraly málimet berdi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.&nbsp;</p>

«Eldegi koronavırýstyń taralýy týraly aıtsaq, ahýal baıypty. Qyrkúıek pen qazanda tamyzǵa qaraǵanda azǵantaı ósý baıqaldy. Negizi aptasyna orta eseppen 100-ge deıin vırýs juqtyrý jaǵdaıy tirkeledi. Byltyrǵy osy kezeńmen salystyrsaq, árıne, salystyrýǵa kelmeıdi. Mysaly, byltyr tamyz aıynda 300 jaǵdaı, qyrkúıekte 500 jaǵdaı tirkelgen. Sandarǵa qarasaq, ahýal baıypty ekenin kórýge bolady», - dedi Aıjan Esmaǵambetova Astanada ótip jatqan halyqaralyq medıtsınalyq konferentsııa barysynda.

Onyń sózinshe, Qazaqstan aýmaǵynda koronavırýstyń omıkron shtamy ǵana aınalysta júr.

«Qaı vırýs aınalysta júr degenge kelsek, búkil álemde omıkron tarap ketti. Omıkronnyń 600-deı túri bar. Qazir biz óz elimizdegi jaǵdaıǵa, Dúnıejúzilik densaýlyq saqtaý uıymy álem boıynsha qandaı vırýstyń kúsh alyp, qaı túri aýyr ótip jatqanyna monıtorıng júrgizip otyrady. Bizdegi sońǵy retteý deregi boıynsha, omıkron 100 paıyz aınalysta júr. Onyń 25 paıyzy omıkronnyń «Erıs» deıtin túri. Bul álemde sál burynyraq paıda bolǵan jańa túr. Qatelespesem, alǵash ret bıyl kóktemde tirkelgen. Qyrkúıekte álemniń 80-deı eline tarap úlgerdi- dedi Aıjan Esmaǵambetova.