Aıyptalýshynyń múddesin qorǵaıtyn mamanǵa memlekettik qupııa aqparatpen tanysýǵa ruqsat etilmek

ASTANA. QazAqparat – «Memlekettik qupııalar týraly» QR Zańyna jańa bap engiziledi. Májilis depýtattarynyń bastamasymen usylǵan qujttyń jańa redaktsııasynda aıyptalýshyny qorǵaıtyn advokattarǵa qupııa aqparattarmen tanysýǵa múmkindik beriledi, dep habarlaıdy QazAqparat tilshisi.

«Jańa 29-1-babyna saı, memlekettik qupııalardy quraıtyn málimetterge baılanysty ister boıynsha qylmystyq sot isin júrgizýge qorǵaýshy retinde qatysatyn advokattar tekserý is-sharalaryn júrgizbesten, memlekettik qupııalardy quraıtyn málimetterge jiberiledi. Advokattarǵa óz ókilettikterin oryndaýyna baılanysty ózderine belgili bolǵan memlekettik qupııalardy jarııa etpeý týraly jáne ol jarııa etilgen jaǵdaıda olardy jaýapqa tartý týraly eskertiledi. Bul týraly olardan tıisti qolhat alynady», - delingen jańa bapta.

Zańnyn jańa redaktsııasynda jazylǵandaı, mundaı jaǵdaılarda memlekettik qupııalardyń saqtalýyna advokattarǵa jaýapkershilik júkteý arqyly kepildik beriledi.

Aıta keteıik, qoldanystaǵy erejeler qatarynda mundaı norma joq.