Aıyppuldar kommýnaldyq qyzmet túbirtegimen birge keledi

ASTANA. QazAqparat - Qarasha aıynan bastap Astana turǵyndarynyń ákimshilik aıyppuldary «Astana-Biryńǵaı esep aıyrysý ortalyǵynyń» («Astana-BEO») túbirtegine engiziletin bolady. Bul týraly «Astana» radıosynyń «Elorda tynysy» baǵdarlamasynyń efırinde «Astana-BEO»  JShS-nyń basqarma basshysy Elena ıÝgrınova málimdedi, dep habarlaıdy QazAqparat «Elorda Aqparat» medıa resýrsyna silteme jasap.

«Osy aıdan bastap biz túbirtekke jol qozǵalysy erejelerin buzý jáne quqyq tártibin buzý boıynsha ákimshilik aıyppuldar tólemin engizdik. Bizdiń turǵyndar «ákimshilik aıyppul» degen mátin paıda bolǵan túbirtekti tólegen kezde muqııat bolýy kerek», - deıdi Elena ıÝgrınova.

Onyń aıtýynsha, bıylǵy jyly ákimshilik aıyppuldar boıynsha tólenetin túbirtekterdi 3 400 adam alady. Aıyppul týraly málimetterdi Astana qalasynyń Іshki ister departamenti usynady. Sondaı-aq «Astana-BEO» túbirtegindegi ákimshilik aıyppuldardy tólegende banktiń komıssııasy ózgermeıdi.

«Astana-BEO» JShS biryńǵaı tólem qujaty basqarmasy 2008 jyldyń tamyzynda qalalyq ákimdiktiń qoldaýymen «Astana sý arnasy» memlekettik kommýnaldyq kásipornynyń bazasynda qurylǵan bolatyn. Qazirgi ýaqytta bizdiń mekeme 270 myń abonentke qyzmet kórsetedi. Páterlerge, ıaǵnı jeke tulǵalarǵa elektr jaryǵy, jylý, sý, gaz, telekomýnıkatsııa, domofon júıesi, salyq, jalǵa berý, turǵyn úıge jóndeý júrgizý sııaqty qyzmet túrleri boıynsha klıenttik baza 500 qyzmet jetkizýshini quraıdy», - deıdi Elena ıÝgrınova.

Belgili bolǵandaı, aı saıyn 270 myń abonentke konvert joldanady. Ár konverttiń ishinde eki paraqtan bolady.

«Sonda esepteseńiz, aıyna 540 myń qaǵaz jumsalady. Biraq qaǵazbastylyqtan arylatyn kúnniń qashan týatyny ázirge belgisiz. Óıtkeni turǵyndardyń basym kópshiligi aqparatty qaǵaz kúıinde alǵysy keledi. Áıtpese konverttiń ishindegi aqparattyń elektrondy nusqasyn da jibere alamyz. Oǵan múmkindigimiz de tolyq jetkilikti», - dep atap ótti basqarma basshysy.