Aıyna 1 mln halyq keletin irgeli nysan - MEGA Silk Way
Jarasym men «jasyl» tehnologııa
MEGA Silk Way - MEGA ataýly saýda, oıyn-saýyq ortalyqtary jelisiniń jańa tolqynyndaǵy biregeı oryn. Aǵylshyndyq Chapman Taylor kompanııasynyń sáýletshileri ortalyqtyń qurylysy aldynda eń úzdik jobalardyń birin usynyp, nysannyń negizgi kontseptsııalaryn ázirlegen bolatyn. MEGA Silk Way - elordanyń týrıstik jáne ınvestıtsııalyq tartymdylyǵy týrasynda mańyzdy nysandardyń biri ekeni daýsyz. Sebebi, EKSPO nysandary jaqyn ornalasqandyqtan, astanalyqtardyń da, elorda meımandarynyń da ortalyqqa degen qyzyǵýshylyqtary erekshe. Bul oryn MEGA jelisindegi jobalardyń eń sátti kórinisterin pash etedi.
MEGA Silk Way SOO dırektory Qanat Tórebaevtyń habarlaýynsha, ortalyqtyń ákimshiligindegi eńbek etetin qyzmetkerlerdi, saýda aýmaqtaryn jalǵa alýshylardy qosqanda nysanda barlyǵy 2 myńnan astam adam eńbek etedi.
««EXPO-2017» Halyqaralyq kórmesine jaıaý jetýge bolatyndaı jerde saýda-oıyn ortalyǵynyń bolýy - EXPO uıymdastyrýshy komıtetiniń talaby bolatyn. Osyǵan baılanysty 2014 jyldyń qyrkúıek aıynda Astana qalasynda - Nazarbaev Ýnıversıteti men «EXPO-2017» kórmesi arasynda nysannyń qurylysy bastaldy. Nysan qurylysynyń ınvestory ári tapsyrma berýshisi - «Mega Plaza» JShS. Bas merdiger retinde reseılik «Renaissance Construction» AQ jumys júrgizse, nysannyń sáýletshisi - ulybrıtanııalyq «Chapman Taylor» kompanııasy boldy», - deıdi Qanat Tórebaev.
Nysan 2016 jyldyń 7 jeltoqsanynda paıdalanýǵa berildi. Alaıda ortalyqtyń resmı túrde ashylýy Qazaqstan Prezıdenti Nursultan Nazarbaev pen Ózbekstan Respýblıkasynyń Prezıdenti Shavkat Mırzıeevtiń qatysýymen 2017 jyldyń 23 mamyrynda ótken edi.
«MEGA Silk Way SOO-nyń qurylys jumystary úshin Reseı men Túrkııa elderinen joǵary tehnologııaly ekologııalyq materıaldar ákelindi. Árıne, qazaqstandyq ekologııalyq materıaldar da shetke ysyrylǵan joq. Tehnıkalyq jabdyqtar sonaý Germanııa, Frantsııa, Italııa, Shveıtsarııa memleketterinen tasymaldandy. Ózderińiz biletindeı, «EXPO-2017» kórmesiniń taqyryby «Bolashaq energııasy» edi. Osy rette biz MEGA Silk Way qurylysynda «jasyl» tehnologııalar men standarttar qoldanǵanymyzdy aıta ketkimiz keledi. Ýaqyt talabyna saı MEGA Silk Way SOO-nyń qýatty materıaldyq-tehnıkalyq bazasy bar. Ǵımarattyń ınjenerlik jabdyqtary nysandy basqarýdyń avtomatty júıesinen, órtke qarsy myzǵymas júıeden turady. Nysanǵa damylsyz eki derbes qýat kózi jaryq taratady. Jalpy jaryq júıesi Smart Grid júıesimen ıntegratsııalanǵan. SOO aýmaǵynda kún panelderi, jel generatory, shatyrdan aqqan sýdy paıdalaný júıesi (sýarý úshin), jaryq únemdeýshi qurylǵylar sekildi «jasyl» tehnologııalar qoldanylady», - deıdi Qanat Tórebaev.
«Qala ishindegi qala...»
Álbette, kúnine myńdaǵan adam keletin nysannyń «órt qaýipsizdigi qanshalyqty saqtalǵan?» degen suraq týyndaıdy. Qanat Tórebaevtyń aıtýyna qaraǵanda, MEGA Silk Way-diń órt qaýipsizdigine - jeke órt bólimshesi jaýap beredi. Bólimsheniń arsenalynda «Hyundai FTs 2-40» (2 m3 nemese 2 myń lıtr sýy men 100 lıtr órt sóndirýshi kóbigi bar, sekýndyna 40 lıtr shasha alady) avtokóligi bar. Buǵan qosa MEGA Silk Way-diń aýmaǵynda 900 m3 bolatyn sý qoımasy baryn aıta ketý kerek.
«Ortalyqtyń órt sóndirý júıesine avtomatty órt sóndirý sıgnalızatsııasy, habarlandyrý júıesi, evakýatsııany basqarý, órt sóndirýdi avtomatty túrde qosý júıesi, órt sóndirýdiń drencherli qurylǵysy, avtomatty túrde órtti untaqpen sóndirý júıesi enedi. Órt týyndaǵan jaǵdaıda tútinjutqysh júıe tilsiz jaýdyń jaıylyp ketpeýin qamtamasyz etedi. Órtti ustap turatyn qaqpaqshalardyń qyzmeti mańyzdy. Syrtqy jáne ishki órtterden qorǵaý úshin órtke qarsy sý jelileri istep tur», - deıdi Qanat Tórebaev.
Osynyń bárin esepteı kele MEGA Silk Way - iri aýqymdy, álemdik deńgeıdegi tehnıkalyq turǵyda kúrdeli, joǵary bilikti mamandardy tartýdy talap etken joba dep aıtýǵa bolady.
Sondaı-aq, Qanat Tórebaevqa «MEGA Silk Way nysanyn Qazaqstandaǵy eń iri saýda-oıyn ortalyǵy dep aıtýǵa bola ma?» degeng saýal qoıdyq. Dese de, aýmaǵy 140 myń sharshy metrlik MEGA Silk Way - aýmaǵy 175 myń sharshy metr bolatyn MEGA Alma-Ata SOO-ǵa qaraǵanda shaǵyn bolyp shyqty.
«MEGA Silk Way ortalyǵynyń kontseptsııasynyń negizine - Uly Jibek jolynyń boıyndaǵy ótken shaq pen bolashaqtyń arasyndaǵy aıaldaýǵa bolatyn oryn retinde qalyptastyrý ıdeıasy jatqan edi. MEGA Silk Way megapolıstiń jańa aýdanynyń sáýletti ansambline ózindik reńmen ene bildi. Bul - «qala ishindegi qala» ispettes. Sebebi, nysannyń ishinde óziniń kósheleri men art-nysandary, jazǵy meıramhanalary men ártúrli sharalar ótetin alańy, sporttyq, tanymdyq alańdary bar. Biz adamdarǵa qýanysh syılaýǵa asyǵamyz. Ashylǵanyna bir jyl bolǵanyna qaramastan, bizdiń nysanǵa 10 mıllıon adam meıman bolyp keldi», - deıdi SOO dırektory.
MEGA Silk Way-ǵa qosh keldińiz!
Saýda-oıyn ortalyǵynyń ataýyn Prezıdent Nursultan Nazarbaevtyń ózi (2015 jyldyń 13 shildesi - Aqordada ótken jıynda) bekitken. Nysan negizinen BREEAM (brıtandyq BRE Global kompanııasy ázirlegen, ǵımaratqa ekologııalyq tıimdiligi turǵysynan baǵa beretin álemdik standart) talaptary boıynsha boı kótergen. Tarqata aıtqanda, ekologııalyq taza qurylys turǵysynan BREEAM talaptary boıynsha SOO-ǵa 63,7 paıyzdyq, ıaǵnı - «óte jaqsy» degen baǵa berilgen eken.
Nysannyń jalpy aýmaǵy 140 myń sharshy metr. Uzyndyǵy jarty shaqyrym, eni 160 metr. Atrıýmdarynyń (baǵandarynyń) bıiktigi 27 metrge jetedi. ıAǵnı, 27 metrlik MEGA Silk Way bıiktigi jaǵynan - 9 qabattyq turǵyn úımen birdeı. 1,5 mln tekshe metr bolatyn ortalyqtyń ishki keńistigi taza aýa men jaryqqa toly. Bul, kelgen halyq ózin jaıly sezinýi úshin arnaıy jasalǵan.
Ortalyq úsh bólikten: eki qabattan jáne 1 jerasty bólikten turady. Nysanǵa kiretin toǵyz esik bar, onyń ekeýi jerasty bóliginde ornalasqan. 1 679 (24 erekshe qajettiligi bar adamdar úshin) kólik syıatyn kólik turaǵymen birge, jerasty bólikte taǵy 410 kólikke (onyń 4-ýi erekshe qajettiligi bar adamdar úshin) arnalǵan parkıng bar.
Keshenge aıyna 1 mıllıon adam keledi. Álbette, bul kórsetkish aıyna 1,3 mıllıon adam keletin Almatydaǵy «MEGA Alma-Ata» saýda, oıyn-saýda ortalyǵyna jete qoımas. Dese de, jylyna halqy 45 myń adamǵa ósip kele jatqan elorda úshin bul kórsetkish jetkizbes meje retinde kórinbeıdi. MEGA Silk Way SOO-ǵa kelgenderdiń rekordtyq kórsetkishi ortalyqtyń dál ashylýy kezinde, ıaǵnı 2017 jyly atalyp ótken Naýryz merekesi kezinde tirkelipti. Dál sol ýaqytta bir kúnde ortalyqqa 500 myń adam kelip ketken eken. Al nysan jumysyn bastaǵan alǵashqy úsh kúnde 150 myń adam meıman bolǵan.
MEGA Silk Way - tyń formattaǵy jańa keńistik. Ortalyqtyń irgesin qalaýshylar óziniń meımandaryna mádenı turǵyda bos ýaqytyn tıimdi ótkizýdiń jańa deńgeıin usynady. Keshenniń irgesi qalanǵaly beri elordadaǵy turǵyndardyń ýaqytyn paıdaly ótkizýdiń jańa múmkindikteri ashyldy. ıAǵnı, meımandar nysanǵa kelip, saýdadan bólek balalaryn bilim baǵdarlamasy boıynsha oqytýǵa, sporttyq alańdarda jattyqtyrýǵa múmkindik alyp otyr. Sondaı-aq Happylon kompanııasy otbasymen birge demalýǵa bolatyn eń iri kóńil kóterý parkin salyp qoıǵan. Sonymen qatar, MEGA Silk Way SOSO-da Evrikum (880 m2) atty ǵylymı-oıyn parki, sporttyq jattyǵýlardy ótkizýge bolatyn Kango (2 500 m2) batýtty oıyn parki, «úı kitaphanasy» kontseptsııaly Marwin (1500 m2) shyǵarmashylyq keńistigi, elordadaǵy eń úlken ekrany bar 11 zaldy Chaplin (5500 m2) kınoteatry jáne qarashadan bastap aqpanǵa deıin jumys isteıtin Mega Ice (800 m2) mobıldi muz aıdyny ornalasqan.
Ortalyqta jıyrmaǵa tarta, atap aıtqanda, Happylon, Marwin, Evrikum, Chaplin, Tehnodom, Mimioriki, QLP, Altyn Alan, Kazyna-Gold, Mini city, KazTýr jáne ózge de otandyq brendterdiń ónimderi satylady. Budan bólek, H&M, Calvin Klein, Lacoste, Tommy Hilfiger, Zara, Bershka, Massimo Dutti, Stradivarius, Pull&Bear, Oysho, Zara Home, Uterque, Marc O'Polo, US Polo Assn., Nike, Koton, DeFacto, LCWaikiki, Armani Exchange, Levi's®, Fabiani, Enrico Marinelli, Miniso, Walker, Guess, Renascimento, Mango, Ostin kids, Diesel jáne ózge de álemdik deńgeıdegi brendterdiń ónimderin osy jerden taba alasyzdar. Álemdik deńgeıdegi jetekshi tamaqtaný brendteri - Burger King, McDonalds, KFC, Hardee's, Starbucks, Gloria Jean's Coffees, Angel-in-us Coffee osynda ornalasqan.