Aqsaı bógetiniń mańynda topyraq opyrylyp tústi: Almaty oblysynyń ákimdigi túsinik berdi

<p>QONAEV. KAZINFORM &ndash; Aqsaı bógetiniń mańynda topyraq opyrylyp tústi. Saldarynan jol jabyldy. Bul týraly Almaty oblysynyń ákimdigi málim etti.</p>

«Búgin keshki saǵat 16:50-de Aqsaı bógetiniń aldyndaǵy avtojol ýchaskesinde kólemi 3,5 tekshe metr topyraq qulady. Onyń bir bóligi Aqsaı ózenine túsip, sý laılandy. Sýdyń ótýi tranzıttik rejımde júzege asyrylady. Sondaı-aq apat aımaǵyndaǵy jol ýchaskesi jabyldy. Aınalma jol uıymdastyryldy. Zardap shekkender joq»,- dep atap ótti ákimdikten.

Apatty joıý jumystaryna Qarasaı aýdanynyń tótenshe jaǵdaılar basqarmasynyń jeke quramnyń 2 mamany, 1 tehnıka, 4 memlekettik qyzmetker jumyldyryldy.

Buǵan deıin Almatyda Aqsaı bógetiniń mańynda topyraq opyrylyp túskeni týraly jazǵan edik.