Aıt kúnderi Almaty meshitterinde balalarǵa táttiler men syılyqtar úlestiriledi

ALMATY. QazAqparat- Qurban aıt kúnderi barlyq meshitte Balalar jylyna oraı merekelik is-sharalar uıymdastyrylady. Bul týraly Almaty qalasynyń bas ımamy Ospan Tólebı málim etti, dep habarlaıdy QazAqparat tilshisi.

«Balalarǵa jaqsy kóńil-kúı syılaý maqsatynda Aıt kúnderi qaladaǵy barlyq meshitte táttiler men syılyqtar úlestiriledi. Odan bólek, meshit aýlasyna shatyrlar qurylyp, kıiz úıler tigilip, aqsaqaldar men úlken kisilerge aıttyq dastarhan jaıylady», – dedi Ospan Tólebı.

Sondaı-aq bul kúnderi qala ákiminiń qoldaýymen Almatynyń ortalyq meshiti men ózge meshitterde ulttyq oıyndardan spartakıada ótedi.

Sharaǵa qatysýshylardy arqan tartý, asyq atý, armrestlıng, gir tasyn jáne qoshqar kóterý sekildi synaqtar kútip tur.