Aısha Omarova aýyr atletıkadan Azııa chempıonatynda qola júldeger boldy
21:48, 14 Qazan 2022
ASTANA. QazAqparat - Bahreınde ótip jatqan aýyr atletıkadan Azııa chempıonatynda qazaqstandyq Aısha Omarova qola júldege ilikti, dep habarlaıdy QazAqparat.
Qazaqstan aýyr atletıka federatsııasy taratqan málimetke sensek, Aısha 81 kelige deıingi salmaqta synǵa túsken.
Ol jalpy jıyny 217 kg salmaqty kóterdi. Julqa kóterýde - 93, serpe kóterýde - 124 kelini eńserdi.
Julqa kóterýde úsh talpynysyn da sátti oryndap, ekinshi boldy.
Qazaqstan quramasynan osy salmaqta óner kórsetken taǵy bir qazaqstandyq sportshy Karına Quzǵanbaeva 203 kg kórsetkishimen 7-orynǵa jaıǵasty.