Aımaqtarda QHA-nyń 18 jyldyǵyna arnalǵan sharalar ótýde
Bul týraly QR Prezıdenti janyndaǵy Ortalyq kommýnıkatsııalar ortalyǵynyń saıty habarlady.
Almatydaǵy Dostyq úıinde «Qazaqstan uıǵyrlary respýblıkalyq mádenı ortalyǵy» qoǵamdyq birlestigi basqarmasynyń keńeıtilgen jıny ótti.
1 naýryzda Astana jáne Almaty qalalarynda QR Prezıdenti N.Á.Nazarbaevtyń Qazaqstan halqy assambleıasyn qurý týraly Jarlyqqa qol qoıǵanyna 18 jyl tolýyna arnalǵan saltanatty jınalys boldy.
Beıbitshilik jáne kelisim saraıynda ótken salatantty jınalysqa Qazaqstan halqy Assambleıasynyń, onyń Keńesiniń músheleri Parlament depýtattary,qoǵam qaıratkerleri, ǵalymdar, jýrnalıster men QHA basqa da qurylymdary, etnomádenı birlestikter, tikeleı Assambleıamen jumys isteıtin ortalyq atqarý organdarynyń basshylary men ókilderi qatysty.
«Otyrysqa qatysýshylar Assambleıanyń 18 jyl ishinde atqarǵan jumystarynyń qorytyndysyn shyǵaryp, QHA-nyń memlekettik etnosaıasatty júzege asyrýdyń quraly retindegi etnıkaaralyq qatynastar men qoǵamdy áleýmettik-mádenı damytýdy úılestirýdegi rólin atap ótti, QHA parlamenttik ókildiginiń, Ǵylymı-saraptamalyq keńesiniń, Jýrnalıster klýbynyń jáne QHA-nyń Assambleıany nyǵaıtýǵa jolynda eńbek etetin basqa da qurylymdarynyń is tájirıbeleriniń qorytyndylaryn qarastyrdy», - delingen habarlamada.
Shara barysynda taldamalyq materıaldar jınaǵy men memlekettik organdarǵa arnap QHA ǵalymdary daıyndap shyǵarǵan «Qazaqstan Respýblıkasyndaǵy memlekettik etnosaıasattyń ımperatıvteri» atty ádistemelik nusqaýdyń tusaýkeseri ótti.
QHA 18 jyldyǵyna arnalǵan is-sharalar barlyq oblys óńirlerinde, Astana jáne Almaty qalasynda da ótkiziledi.
Qazaqstan Respýblıkasy Prezıdentiniń 1995 jylǵy 1 naýryzdaǵy Jarlyǵymen qurylǵan Qazaqstan halqy Assambleıasy memlekettik ulttyq saıasat júıesinde basty oryn alady. Assambleıa óziniń 18 jyl ishindegi jumysy barysynda ortalyq jáne jergilikti atqarý organdarynyń etnosaralyq únqatysý máseleleri boıynsha úılestirýshisine aınaldy.
Búgin 72 jalpy bilim beretin ulttyq mektepterde oqý etnos tilderinde júredi, 143 mektepte aralas oqytý júrgiziledi. 195 etno-aǵartý keshenderi men lıngvıstıkalyq mektepter ashylǵan. 14 orys, uıǵyr, koreı jáne nemis (TMD-da jalǵyz), ózbek ulttyq teatrlary bar.
Respýblıkada Assambleıanyń kópsalaly resýrstyq ortalyqtary retindegi 10 Dostyq Úıi, Astanada - Beıbitshilik pen Kelisim saraıy jumys isteıdi. 35 etnıkalyq BAQ (11 tilde shyǵady) bar, QHA janyndaǵy sarapshy - Jýrnalıster klýby jumys isteıdi.