Aımaqtarda bıýdjettiń jumsalýyn partııa qatań baqylaýy tıis – Nursultan Nazarbaev

NUR-SULTAN. QazAqparat – Elbasy Nursultan Nazarbaev Nur Otan partııasynyń keńesinde partııanyń óńirlerdegi jumysyn jetildirýdi tapsyrdy, dep habarlaıdy QazAqparat Elbasy.kz saıtyna silteme jasap.

«Árbir ákimniń jáne máslıhattardaǵy fraktsııa depýtattarynyń partııalyq jaýapkershiligin kúsheıtý kerek. Qazirgi ýaqytta barlyq reformalar aımaqtardy damytýǵa baǵyttalǵan. Máselen, sońǵy 10 jylda jergilikti bıýdjetter 3 esege jýyq ósip, 4,7 trln teńgeni qurady. Bólingen qarajattyń jumsalýyna partııanyń qatań baqylaýyn qamtamasyz etý mańyzdy. Sonymen birge, depýtattar jumysyn odan ári jaqsartý men barlyq máslıhattardyń mártebesin nyǵaıtý sharalaryn júrgizý qajet», - Nursultan Nazarbaev.

Aıta keteıik, búgin Nursultan Nazarbaev Nur Otan partııasynyń óńirlik fılıaldary ókilderiniń qatysýymen keńes ótkizdi.