Aımaq jurtshylyǵynyń muń-muqtajy máslıhat depýtattarynyń jiti nazarynda bolýy tıis – Prezıdent
«Depýtattar – ózekti máselelerdi ashyq aıta biletin, azamattardyń qoǵamdaǵy oı-pikirin atqarýshy bılikke tikeleı jetkizetin qaýym. Bir sózben aıtsaq, depýtat bolý – halyqtyń úni bolý degen sóz. Mysaly, jańa ǵana sóz sóılegen azamattar óte mańyzdy máselelerdi kóterdi. Áset Mahambetovtiń bilikti maman retinde atom energııasy týraly pikiri ózekti. Syrymbek Sársembaev monoqalalardy damytý jóninde jaqsy usynystar aıtty. Rınat Zaıytovtyń ulttyq ónerdi qoldaý týraly paıymdary da oryndy. Depýtattar ıÝlııa Kýchınskaıa jáne Evgenıı Býslaev ta óte ózekti pikirlerin aıtty», - dedi Prezıdent.
Memleket basshysy máslıhat – memlekettik bıliktiń óte mańyzdy tarmaǵy ekenin erekshe atap ótti.
«Aımaq jurtshylyǵynyń tynys-tirshiligi, muń-muqtajy qashanda máslıhat depýtattarynyń jiti nazarynda bolýǵa tıis. Saılaýshylardyń múddesin qorǵap, el úmitin aqtaý – basty paryz. Men máslıhattardyń qyzmetine erekshe mán beremin. Jalpy, elimizde 3300-den astam máslıhat depýtaty bar. Sonyń 70 paıyzyna jýyǵy osy zalda otyr. Biz búgin máslıhattardyń jumysyna jáne mańyzdy máselelerge qatysty pikir almasamyz», - dedi Q. Toqaev.