Aımaq ustazdary Qazaqstandaǵy jalpyulttyq birlik týraly semınar-trenıngke qatysýda

ASTANA. QazAqparat - Astana, Almaty qalalary men barlyq oblystan kelgen muǵalimder búgin elordadaǵy Tuńǵysh Prezıdent kitaphanasynda uıymdastyrylǵan "Qazaqstandyq birtektilik jəne jalpyulttyq birlik" atty semınar-trenıngke jınaldy. Ustazdar "Əlemdi ózgertetin ıdeıalar" ınteraktıvti bilim berý ortalyǵynyń jumysymen tanysyp, ultaralyq qatynastardyń qazaqstandyq úlgisi týraly ózara pikir almaspaq.

"Bilim jəne ǵylym mınıstrligi ótken oqý jylynan beri Tuńǵysh Prezıdent kitaphanasymen ózara qarym-qatynas ornatyp keledi. Al bıyl kitaphanamen ózara yntymaqtastyq týraly memorandýmǵa qol qoıylady degen jospar bar. Byltyr jalpy orta mektepterdiń jas ustazdarymen onlaın-rejımde birneshe semınar-trenıngter ótkizgen bolatynbyz. Al, bıylǵy oqý jylynda alǵash ret aımaq-aımaqtan ustazdardy shaqyryp, semınar-trenıng ótkizip otyrmyz. Búgin Almaty jəne Astana qalalarynan bir-bir ustaz, óńirlerden bir-bir ustaz, barlyǵy on alty muǵalim jınalyp otyr. Etnostar arasyndaǵy toleranttylyq, oqýshylardy patrıottyqqa baýlý, tərbıemen ushtastyra otyryp tarıhı tereń bilim berý boıynsha búgin úırengenin endi osy ustazdar óz óńirlerinde taratady degen senimdemin. Memleket basshysy N.Nazarbaev aıtqandaı, bıyl belester jyly. Búgingi semınar aıasynda sol belester - Ata zańymyzdyń 20 jyldyǵy, Assambleıanyń 20 jyldyq mereıtoıy, Qazaq handyǵynyń 550 jyldyǵy týraly da pikir almasýlar bolady", - deıdi QR BǴM Mektepke deıingi jəne orta bilim jəne aqparattyq tehnologııalar departamenti tərbıe jumysy jəne qosymsha bilim berý basqarmasynyń basshysy Baǵym Kóptileýova.

Semınar-trenıngte Qazaqstar halqy Assambleıasynyń múshesi Anatolıı Bashmakov "Jastar arasynda etnomədenı toleranttylyqty qalyptastyrý - Qazaqstandaǵy memlekettik etnosaıasattyń mańyzdy mindeti" taqyrybynda baıandama jasasa, Nazarbaev zııatkerlik mektepteri Bilim berý baǵdarlamalary ortalyǵynyń basshysy, tarıh ǵylymdarynyń kandıdaty Əset Omarov aımaqtardan kelgen ustazdarǵa praktıkalyq sabaqtar ótkizýde.