Aımaǵambetov pedagogterdiń qansha paıyzy vaktsına alǵanyn aıtty
«9 tamyzdaǵy jaǵdaı boıynsha, bilim mekemelerindegi pedagogterdiń 93,1 paıyzy jáne basqa qyzmetkerlerdiń 88,4 paıyzy koronavırýsqa qarsy vaktsına aldy. Stýdentterdiń vaktsına alýyn yntalandyrý boıynsha ýnıversıtetter arnaıy is-sharalardy iske asyryp jatyr. Oqý aqysyn tómendetý, aqysyz kýrstar uıymdastyrý, joldamalar men baǵaly syılyqtar berý sııaqty bastamalar ýnıversıtetterde keńinen qoldanylýda», - dedi Ashat Aımaǵambetov.
Mınıstrdiń dereginshe, jańa oqý jylynda pedagogterdiń qataryn 12 myńnan astam jas maman tolyqtyrady. Olardyń basym bóligi Aqtóbe, Túrkistan, Jambyl oblystarynda jumysqa kirisedi.
«Jańa oqý jylyndaǵy 1-synyptyń boljamdy kontıngenti 380 myń bala bolady dep esepteımiz. Onyń 97 paıyzy elektrondy túrde 1 tamyzǵa deıin qujattaryn tapsyrdy», - dedi ol.