Aımaǵambetov 30 jyldaǵy bilim salasy jetistikterin atady
«Bıyl - erekshe jyl, Táýelsizdigimizdiń 30 jyldyǵy. 30 jyldyq bolǵannan keıin osy 30 jyldaǵy jetistikterimizdi aıtpasaq bolmaıdy. 2000 jyldardyń basynda elimizde 2 myńnan astam apatty jaǵdaıdaǵy mektep bolǵan. Sol problemalar negizinen sheshildi. Endi biren-saran mektep qaldy. Táýelsizdik jyldarynda Qazaqstanda 2 myńnan astam jańa mektep salyndy. Balalardy balabaqshamen qamtý kórsetkishi áldeqaıda ósti. Memlekettik tilde bilim berý máselelesin alatyn bolsaq, 1991 jyly 2 myń balabaqshada memlekettik tilde tárbıe, bilim alýǵa múmkndik bolsa, búgingi kúni 7,5 myń balabaqshada osyndaı múmkindik berilip otyr. Balalardyń JOO-larda bilim alý quqyǵyn aıtar bolsaq, bul másele boıynsha da sońǵy 3 jyldyń ishinde granttardyń sany 2 esege artty dep aıta alamyz. Shákirtaqy da 2-3 jyldyń ishinde 2 ese artyp otyr. Sondyqtan qaı salany alsaq ta alǵa jyljý bar. Memleket óziniń bilim salasynda bergen, Konstıtýtsııada bekitilgen mindettemelerin oryndap otyr», - dedi mınıstr QR Prezıdenti janyndaǵy Adam quqyqtary jónindegi komıssııa otyrysy aldynda BAQ ókilderine bergen suhbatynda.
Sonymen qatar ol búgingi otyrysta el azamattarynyń bilim berý salasy boıynsha quqyqtarynyń júzege asýy qaralatyndyǵyn atap ótti.
«Bizdi orta bilim berý, basqa da máseleler boıynsha Konstıtýtsııada bekitilgen tıisti kepildikter bar. Osy kepildikter qazir qalaı júzege asyrylyp jatyr degen máseleni qaraımyz», - dedi Ashat Aımaǵambetov.