Aıqyn Qońyrov Qazaqstannyń Halyq partııasynyń tóraǵasy bolyp saılandy

NUR-SULTAN. QazAqparat - Qazaqstannyń halyq partııasynyń kezekten tys XV sezi barysynda partııa tóraǵasy bolyp Aıqyn Qońyrov saılandy, dep habarlaıdy QazAqparat tilshisi.

«Qazaqstannyń Halyq partııasynyń tóraǵasy retinde Qońyrov Aıqyn Oıratulyn saılaýdy usynamyz», - dedi Ortalyq komıtet saılaý bıýrosynyń múshesi Vıktor Smırnov.

Partııanyń jańa basshysyn saılaý týraly qaýly sezd qatysýshylarynyń biraýyzdan qoldaýyna ıe boldy.

Odan bólek, Qazaqstannyń Halyq partııasy Ortalyq komıtetiniń hatshysy bolyp Jambyl Ahmetbekov, Gaýhar Nuǵymanova, Vıktor Smırnov jáne Turǵyn Syzdyqov saılandy.

Buǵan deıin atalǵan partııanyń ataýy ózgergeni týraly habarlaǵan bolatynbyz.

Sondaı-aq, Qazaqstannyń halyq partııasynyń kezekten tys XV sezinde Ortalyq komıtettiń jańa músheleri saılandy.