Aıgúl Soloveva ózin Qazaqstan Azamattyq Alıansynyń prezıdenti laýazymynan bosatýdy surady
13:35, 13 Sáýir 2013
ASTANA. 13 sáýir. QazAqparat - Búgin Astanadaǵy Ulttyq akademııalyq kitaphana ǵımaratynda «Qazaqstan Azamattyq Alıansy» ZTB konferentsııasy ótti. Onda Aıgúl Soloveva ózin QAA prezıdenti laýazymynan bosatýdy surady, dep habarlady uıymnyń baspasóz qyzmetinen.
Zańshyǵarýshylyq qyzmetine baılanysty Soloveva Aıgúl Saǵadybekqyzy ózin QAA prezıdenti laýazymynan bosatýdy surady.
«Quramyna QAA-nyń jergilikti ókilderii men ÚEU-nyń eleýli kóshbasshylary kiretin Qazaqstan Azamattyq Alıansynyń Keńesi biraýyzdan QAA-nyń jańa basshysy retinde Erimbetov Nurlan Kenjebekulyn saılady», - dep habarlady «Qazaqstan Azamattyq Alıansy» ZTB baspasóz qyzmetinen.