Aıgúl Soloveva QR Prezıdenti janyndaǵy Adam quqyqtary jónindegi komıssııanyń múshesi boldy

ASTANA. QazAqparat - Parlament Májilisiniń depýtaty Aıgúl Soloveva QR Prezıdenti janyndaǵy Adam quqyqtary jónindegi komıssııanyń múshesi boldy.

Bul týraly búgin komıssııasynyń sarapshylyq keńesiniń keńeıtilgen otyrysynda onyń tóraǵasy Qýanysh Sultanov málim etti.

Tóraǵa sózine qaraǵanda, A. Soloveva komıssııa qatarynan shyqqan, ıaǵnı qazirgi kezde QR Memlekettik hatshysy laýazymyndaǵy Gúlshara Ábdiqalyqovanyń ornyna usynyldy.

«Atap aıtqanda, jemisti jumys pen sáttilik tileımiz. Meniń oıymsha, sizdiń qosylýyńyzben bizdiń qatarymyz nyǵaıa túsedi»,-dedi Q. Sultanov.

Búgingi otyrys barysynda komıssııa tóraǵasy depýtatqa Qazaqstanda adam quqyqtary máseleleri boıynsha qoǵamdyq belsendi ustanymy úshin alǵys hat tapsyrdy.