Zorlyqpen óltirilgen eks-sýdıa Aıgúl Saılybaevanyń máıiti Germanııadan tabyldy

<p>ASTANA. KAZINFORM &ndash; Germanııada eks-sýdıa Aıgúl Saılybaevanyń zorlyq belgileri bar máıiti tabyldy. Bul týraly&nbsp;<a href="https://t.me/BILD_Russian/17092" target="_blank" rel="noopener">BILD</a> basylymy jazdy.</p>

Germanııada qazaqstandyq burynǵy sýdıa óltirildi, onyń Reseıden kelgen enesi iz-túzsiz joǵalyp ketti, dep habarlaıdy BILD Telegram arnasy.

«Buǵan deıin 40 jastaǵy Aıgúl Saılybaeva Astananyń Saryarqa aýdanynda sýdıa bolyp qyzmet atqarsa, jýyrda Germanııanyń batysyndaǵy Benshaım qalasynda kúıeýi, qyzy jáne enesimen birge turǵan. 4 maýsym kúni tańerteń Saılybaeva qyzyn balabaqshaǵa alyp ketken. Sodan beri ony eshkim kórmegen. Jeksenbi kúni onyń denesi qala shetindegi Erlahe karerinen tabyldy. BILD habarlaýynsha, máıit polıetılen pakette bolǵan, al áıel ólim aldynda zorlyq-zombylyqqa ushyraǵan. Qazir 35 tergeýshi kisi óltirý oqıǵasyn ashýmen aınalysyp jatyr. Áıeldiń úıinde tintý júrgizildi», - delingen habarlamada.

Saılybaevamen bir ýaqytta onyń 49 jastaǵy qaıyn enesi Natalıa Dontsovanyń joǵalyp ketkeni atap ótildi. Ol 4 maýsym kúni nemeresin balabaqshadan alyp, úıine ákelgeni belgili boldy. Sodan beri ájesi kórinbegen. BILD málimetinshe, balanyń ózi aman, týystarynyń qamqorlyǵyna berilgen.

Saılybaevanyń anasy men aǵasy Qazaqstannan Germanııaǵa keldi, dep habarlady búgin QR Syrtqy ister mınıstrligi. Aǵasy ápkesi turmystyq zorlyq-zombylyq boıynsha shaǵymdanǵanyn aıtty. Qazir Dontsovany izdestirý jumystary jalǵasyp jatyr.

Buǵan deıin áıeldiń aǵasy Qanat Saılybaev qaryndasy, burynǵy sýdıa Aıgúl Saılybaevanyń joǵalyp ketkenin habarlaǵan bolatyn.