Aıgúl Sádýaqasova: Birlik pen kelisim – eldigimizdiń myzǵymas tuǵyry
«Birlik pen kelisim – eldigimizdiń myzǵymas tuǵyry. Kópetnosty Qazaqstan halqy úshin bul tuǵyr etnosaralyq, konfessııaaralyq tatýlyqty saqtap qalý máselesi syndy óte mańyzdy ekeni sózsiz. Qazaqstandaǵy basty strategııalyq resýrs etnosaralyq kelisim men jalpyulttyq birlik dep bilemiz. 90-shy jyldardyń saıası-ekonomıkalyq jaǵdaıy demokratııaǵa bet alǵan Qazaqstan úshin qaýyp-qaterlerge toly boldy. Eń basty qaýyp-qaterler – etnosaralyq qaqyǵystar men daý-janjaldar. 100-den astam etnos ókilderi meken etken el bir sátte toqyraýǵa ushyraýǵa ábden múmkin edi. Budan saqtap qalatyn tek bir jol boldy, ol – birik pen kelisim qaǵıdattarynan bir qadam da aýytqymaý», - dedi ol Elbasy amanaty: eldiktiń jeti tuǵyry» saraptamalyq dóńgek ústel otyrysynda.
Onyń atap ótýinshe, osy jolda anyq saıasat júrgizý maqsatynda egemen eldiń Ata zań erejelerinde barlyq azamattardyń teń quqyqtary, erkindik pen jaýapkershilikteri bekitildi. Táýelsizdik alǵan sátten bastap qabyldanǵan normatıvtik-quqyqtyq aktiler, doktrınalar men baǵdarlamalar, sondaı-aq olardy iske asyrý aıasyndaǵy is-sharalar qoǵamdaǵy etnosaralyq qatynastardy turaqtandyrýǵa múmkindik berdi. Etnıkalyq suraqtarady saıasılandyrmaý úshin zańdy túrde etnıkalyq negizde saıası partııany qurýǵa tıym salyndy. Bul qadam da kelisim men birlikke óz úlesin qosty.
«Bizdiń birligimiz áralýandyqta. Polıetnostyq damý úshin resýrs retinde úlken áleýetke ıe. Qazirgi álem múldem basqa, kóp mádenıetti. Bul ártúrlilikte ár mádenıettiń, eldiń ózindik kelbeti men ereksheligi bar. Qazaqstan eldiń ekonomıkalyq, saıası, áleýmettik, mádenı jáne rýhanı protsesterine belsendi qatysatyn kóptegen etnos ókilderi úshin Otan bolyp otyr. Búginde olarda óz tilin, mádenıetin úırenýge kóptegen múmkindigi bar. Árıne, ár ult ózin-ózi damytýǵa, ulttyq biregeılikti, tildi, mádenıetti saqtaýǵa tyrysady. Ekinshi jaǵynan, qazirgi álemdegi ulttardyń ózin-ózi damytýy olardyń tyǵyz ózara árekettesýinsiz, yntymaqtastyqsyz, mádenı qundylyqtarmen almasýsyz jáne ózara tıimdi baılanyssyz múmkin emes ekenin túsinýimiz qajet. Integratsııa tendentsııasy ǵylymı-tehnıkalyq revolıýtsııanyń jetistikterimen adamzat aldynda turǵan jahandyq máselelerdi sheshý qajettiligine baılanysty kúsheıe túsýde. Bul tendentsııalar bir-birimen áldeqaıda baılanysty ekenin este ustaǵan jón»,- dedi Aıgúl Sádýaqasova.