Ofıtserler rahattanyp dekrette júr, al balasyna báribir áıeli qarap otyr - depýtat

<p>ASTANA. KAZINFORM &ndash; Májilistiń Halyqaralyq ister, qorǵanys jáne qaýipsizdik komıtetiniń tóraıymy Aıgúl Quspan Jibek Joly telearnasyna bergen suhbatynda áskerı qyzmettegi er adamdardyń bala kútimine baılanysty demalysqa shyǵýyn uıatsyzdyqqa balady.</p>

«Er ofıtserlerdiń dekretke shyǵýyna ruqsat beretin zań 2014 jyly qabyldanǵan bolatyn. Birinshi jyldary olar uıaldy. Úsheý-tórteýi ǵana dekretke shyǵatyn. Al qazir 600 er ofıtser rahattanyp dekrette júr. Óıtkeni olardyń qyzmeti júrip jatady, sheni óse beredi. Balaǵa báribir áıelderi qaraıdy. Odan qalsa ájesi, bala kútýshiler bar. Al ofıtser basqa bir jumysta istep júr. Mysaly, taksı aıdasa da dekret aqshasymen qosqanda kóp aqsha tabady. Bul endi kishkene uıatsyzdaý nárse dep oılaımyn. Sondaı-aq, ol qaýipti», — dedi Aıgúl Quspan.

Onyń aıtýynsha, Qorǵanys mınıstrligi er ofıtserlerdi bala kútimi boıynsha demalysqa jiberýge ruqsat beretin sheshimderdiń kúshin joıýǵa yntaly.

«Qorǵanys mınıstrligi qazir shyryldap júr. Múmkin bul normany qaıta qaraıtyn shyǵar. Biraq bul sheshim — bizdiki emes, halyqaralyq norma. Halyqaralyq eńbek uıymy degen uıym bar, Jenevada otyrady. Solar „Er adam men áıeldiń quqyǵy birdeı. Balamen otyrýǵa ekeýiniń de quqyǵy bar. Áskerı adam bolsyn, jaı azamat bolsyn“ deıdi. Qazaq qoǵamynda bul kishkene ersi nárse», — dedi depýtat.