Aıgúl Ádilova «Shtrıhı k portretý» jobasy qalaı júzege asyrylǵany týraly áńgimeledi
«Dokýmentaldy joba áýelde ashyq joba retinde qarastyrylǵan bolatyn. Ol 2020 jyly shyqty. Bul Nursultan Ábishulynyń óziniń prezıdenttik ókilettigin bergennen keıin eń kólemdi suhbaty boldy. Men prezıdenttik pýl jýrnalısti retinde Elbasynyń qyzmetin 2015 jyldan beri nasıhattap kelemin. Joba 5 serııaǵa bólinip daıyndaldy. Іri suhbat bir jarym, tipti eki saǵatqa sozyldy. Men elimizdiń ómirindegi eń mańyzdy sátterdi jazyp aldym, sondaı-aq táýelsizdiktiń 30 jyldyǵy taıap kele jatqan soń suhbatta aıtylǵandarǵa basa nazar aýdardym»,-dedi kitap avtory.
Aıgúl Ádilova shyǵarmashylyq toptyń jobany iske qosqan soń kópshilik tarapynan oı-pikirler kóptep aıtylǵanyn jetkizdi.
«Tarıh kitapta qalady. Ókinishke qaraı, biz qansha qalaǵanymyzben jastardyń barlyǵy birdeı kitap oqýǵa den qoıa bermeıdi. Shyndyǵynda bári kitapta ǵoı, tarıh ta kitapta. Biz onda fılmde kórsetilmegen sátterdiń kitapqa engizilgenin málimdeımiz. Bul televızııalyq nusqa bolǵandyqtan biz fılmdi kóp adamnyń kórgenin qalaımyz. Fılmde Nursultan Ábishuly alǵash ret óziniń nemeresiniń ólimi men óz ómirindegi satqyndyqtar týraly aıtty. Bul jerde másele tek saıasat týraly ǵana emes, munda qarapaıym adamı qasıetter týraly da aıtylady. Men jańa qyrlaryn ashqym kelgen. Alaıda Elbasynyń ózi albomy men kartınalaryn kórsetkisi keletinin aıtty. Elbasynyń kollektsııasynda 50-ge jýyq kartına boldy. Bizdiń kózimizshe ol jańa sýrettiń beınesin somdady. Bul kezde «Shtrıhı k portretý» ıdeıasy oıanyp, ekinshi jáne úshinshi suhbattar júrgizilip jatqan bolatyn. Sol kezde osyndaı bir oı salǵan edi»,-dedi Aıgúl Ádilova.
Tanymal jýrnalıst sonymen qatar bul kitaptyń nege árbir qazaqstandyqtyń kitaphanasynda turýy qajettigin aıtty.
«Kitap alǵash ret suhbat formatynda shyqty. Bul Elbasy sózderiniń tolyq mátinge túsirilgen nusqasy. Eshteńe de alyp-qosylǵan joq. Biz arhıvterdi aqtaryp, oqyrmanǵa qyzyq bolýy úshin eksklıýzıvti sýretterdi shyǵardyq. Biz oqyrmannyń kitapty oqyǵanda oqıǵany kózben kórgendeı bolǵanyn qaladyq. Menińshe, Nursultan Ábishuly kóńilindeginiń bárin jaıyp saldy»,-dep qosty kitap avtory.
«Biz Nursultan Ábishulynyń beıbitshilikti jany qalaıtynyn bilemiz, oǵan Reseı men Túrkııa tarıhynan qanyqpyz. Elbasy Túrkııa men Reseıdi qalaı tatýlastyrǵanyn jan-jaqty áńgimelep berdi. Erdoǵan oǵan birneshe ret telefon shalyp, «Men bul hatta Pýtınge ne deımin» dep suraǵan.
Nursultan Ábishuly memleketterdi tatýlastyrý úshin osy iske ózi qatysqan.
Ol ShYU sammıtinde qalaı kelissózder júrgizgenin aıtty. Elbasy Erdoǵanmen telefon arqyly sóılesip, Pýtınniń ony qabyldaýy úshin hatqa ne dep jazý kerektigin aıtyp otyrǵan.
Islam Ábdiǵanıulyna: «Jiberseńizshi ony, olar tatýlasady ǵoı, biz úshin bul óte mańyzdy degen»,-deıdi Aıgúl Ádilova.