Áıgili «Úıde jalǵyz qalǵanda» fılmi túsirilgen úı satylymǵa shyqty

<p>ASTANA. KAZINFORM &ndash; &laquo;Úıde jalǵyz qalǵanda&raquo; fılmindegi MakKallıster otbasynyń úıi satylymǵa shyǵaryldy. Jańa jyldyq merekede balalardyń ǵana emes, úlkenderdiń de súıikti kınosyna aınalǵan týyndydaǵy úı týraly aqparat kim-kimniń bolmasyn qyzyǵýshylyǵyn týdyratyny anyq.</p>

Chıkago mańyndaǵy aýylda ornalasqan ekiqabatty shatyrly úı 5,25 mıllıon dollarǵa baǵalanyp otyr. Jarnama Zillow saıtynda jarııalanǵan.

Foto: zillow.com

Aýdany 848 sharshy metrdi quraıtyn saraı 2018 jyly zamanaýı úlgide jóndeýden ótken. 

Burynǵy qojaıyndar kýltke aınalǵan fılmdegi dúnıelerdi saqtap qalýǵa tyrysqan.

Foto: zillow.com

«Ádemi foıe, kireberis baspaldaqtary, qonaq bólme jáne as bólmeleriniń pishini men qurylymy is júzinde ózgergen joq», - delingen lottyń sıpattamasynda.

Foto: zillow.com

Úıde úlken as bólme, qoıma, kúnniń nury túsetin otbasylyq bólme, kamıni bar ekrandy kireberis, sport zaly, kınoteatr jáne zamanaýı qurylǵylarmen jabdyqtalǵan kóptegen bólmeler bar eken. 

Tóbeniń bıiktigi shamamen 3,2 metrge jetedi. Rezıdentsııada kútimi jaqsy baq bar.

Foto: zillow.com

Saraı temir qaqpalarmen qorshalǵan.

Úı 1921 jyly salynǵan. Osy ýaqyt ishinde saraıdyń tórt ıesi boldy.

Úı sońǵy ret 2012 jyly 1,58 mıllıon dollarǵa satylǵan.

Foto: zillow.com