«Áıgili mońǵol Asaserıý Akınorı Qazaqstannan ózine izbasar izdep júr» - baspasózge sholý
***
«Qazaq mýzykasynyń qysqasha tarıhynyń» ІІІ tomdyq oqýlyq-monografııasyn jazyp, onda ótken ǵasyrlardaǵy uly ǵalym, oıshyl Ábý Nasyr ál-Farabıdiń mýzykalyq murasynan bastap egemen elimizdiń ataqty sazger, ánshi, sahna sheberiniń 232 tulǵasynyń ómiri men shyǵarmashylyǵyna hronologııalyq taldaý jasap, qazaq halqynyń uly óneri, mádenıeti, mýzyka ádebıetiniń damýyna óz úlesin qosqan mýzyka zertteýshi, QR bilim berý salasynyń úzdigi, óner, mádenıet qaıratkeri, Qazaq ulttyq óner akademııasynyń professory Pernebek Momynulynyń ulttyq ónerimizdiń tarıhyn zertteýde, aǵartý calasynda, nasıhattaýda alar orny erekshe. Osynaý erekshe azamatpen aradaǵy suhbat «Egemen Qazaqstan» gazetiniń búgingi sanynda «Qazaqtyń daryndy halyq ekeni áli zerttelmeı jatyr. Bul - bizdiń kemshin tusymyz» degen taqyryppen berilgen.
Sportsúıer qaýym, onyń ishinde sýmo kúresiniń qyr-syry men sańlaqtaryn jaqsy biletinder Asaserıý Akınorı dese ishken asyn jerge qoıary daýsyz. Jasy áli otyzǵa jetpegen dańqty Asaserıýdiń shyn aty-jóni - Dolgorsýrengıın Dagvadorj. «Egemen Qazaqstan» gazetiniń jazýynsha, aty ańyzǵa aınalǵan mońǵol Qazaqstanǵa «Bes qarý» atty ulttyq sport túrleri qaýymdastyǵynyń prezıdenti Dáýren Musanyń shaqyrtýymen kelgen. Qazir ýaqytta otstavkada júrgen «Kók aıdahar» atty laqap esimmen tanymal sportshy Qazaqstandy aralap shyǵyp, talantty bir sportshy tabatynyna senip otyr. Sóıtip, ol jańa izbasaryn Kúnshyǵys eline aparyp, japon ulttyq kúresiniń búkil qyr-syryna baýlymaq. «Qazaqstanda talantty sportshylar óte kóp. London Olımpıadasynda ony búkilálem kórdi. Biraq, qazaqstandyqtar kóbinese ózderin kúsh salatyn sport túrleri boıynsha tanytty. Menińshe, muny ári qaraı damytý kerek dep oılaımyn. Men osy jerden ózime izbasar taýyp, birikken jattyǵýlar júrgizýge daıynmyn. Óıtkeni, men búkilálemde sporttyń saltanat qurǵanyn qalaıtyn adammyn», - deıdi áıgili sýmoshy. Maqala taqyryby: «Áıgili mońǵol Asaserıý Akınorı Qazaqstannan ózine izbasar izdep júr».
***
«Aıqyn» gazetiniń jazýynsha, Qaırat Mámıdiń tóraǵalyǵymen ótken Senattyń keshegi jalpy otyrysynda elimizdegi zeınetaqy júıesin jańǵyrtatyn qos zań jobasy birinshi oqylymda maquldandy. ıAǵnı tujyrymdamasy quptaldy. Artynsha palata Senattyń Áleýmettik-mádenı damý komıtetine jobalardy ekinshi oqylymǵa ázirleýge tapsyrma berdi. Búgin arnaıy jumys toby, Úkimet ókilderimen birge, jıyn ótkizip, osy zań jobalaryna usynylyp otyrǵan ózgeristerdi ary qaraı qaraýdy jalǵastyrady dep kútilýde. «Senat otyrysynda «Qazaqstandaǵy zeınetaqymen qamsyzdandyrý týraly» zań jobasynyń aınalasynda qyzý talas júrgendigin aıta ketken jón. Keıbir senatorlar Qazaqstanda zeınetke shyqqan soń, onsyz da áıelderdiń ortasha alǵanda 9 jyldaı ǵana ómir súretindigin alǵa tartty», - dep jazady basylym. Maqala «Zeınetaqy týraly zańdy jańǵyrtý - zaman talaby» degen taqyryppen berilgen.
«Reseıdiń LDPR partııasynyń tóraǵasy Vladımır Jırınovskıı taǵy da shý shyǵardy. Qashanda tilinde tıek bolmaıtyn, ospadarsyz áreketi arqyly jurtshylyqqa tanymal «kósem» endi kórshi qyrǵyz depýtattaryna jaqpaı qaldy», - dep jazady «Aıqyn» gazeti búgingi sanyndaǵy «Qyrǵyzdar mazasyzdanyp jatyr» degen taqyryptaǵy maqalasynda. Basylymnyń atap ótýinshe, buǵan osydan birneshe kún buryn LDPR tóraǵasy «qyrǵyzdar qaıtara almaı júrgen qaryzyn jaýyp, qarjyǵa keshirimmen qaraǵany úshin Reseı bıligine raqmetin aıtýy qajet. Sonyń qaıtarymy retinde bizge Ystyqkóldi berse boldy» dep málimdeme jasaǵany túrtki bolǵan. Sársenbi kúni qyrǵyz parlamenti Vladımır Jırınovskııdi non grat dep jarııalady. Bul sheshim boıynsha endi Jırınovskıı qyrǵyz jerine múlde aıaq basa almaıdy. Osyǵan baılanysty qyrǵyz parlamenti arnaıy qaýly qabyldaǵanyn Joǵarǵý Keńeshtiń baspasóz qyzmeti rastap otyr.
***
«Ekspress K» gazetiniń jazýynsha, búgin, 17 mamyr kúni Qasym-Jomart Toqaev 60 jasqa tolady. Esimi elimizde ǵana emes, sonymen qatar álemge de tanymal otandyq saıasatker ári dıplomat qazirgi ýaqytta BUU Bas hatshysynyń orynbasary, Jenevadaǵy bólimshesiniń bas dırektory qyzmetin atqarady. Maqala «Pervyı set Tokaeva» degen taqyryppen berilgen.