Áıgili «Dos-Muqasannyń» negizin qalaǵan ánshilerdiń biri dúnıeden ozdy
Bul týraly toptyń Instagram jelisindegi paraqshasynda jarııalandy.
«Ansambldiń negizin qalaýshylardyń biri, ánshi, adal dos Kamıt Sanbaev ómirden óetti. Bul - biz úshin orny tolmas qaza. Onyń orny oısyrap turatyny ras. Artyna óshpes iz qaldyrdy. Imandy bolsyn!», - delingen paraqshada.
Sonymen qatar ánshiniń mezgilsiz qaıtys bolýyna baılanysty QR Mádenıet jáne sport mınıstri Aqtoty Raıymqulova kóńil aıtty .
«Mədenıet jəne sport mınıstrliginiń atynan qazaq mədenıetiniń, ən óneriniń damýyna ólsheýsiz úles qosqan daryndy ənshi Qamıt Sanbaevtyń qaıtys bolýyna baılanysty otbasy men jaqyndaryna qaıǵysyna ortaqtasyp, kóńil aıtamyn. Qamıt aǵamyz sanaly ǵumyrynda halqymyzdyń ystyq yqylasyna bólengen, maqtanyshyna aınalǵan «Dos-Muqasan» ansambliniń negizin qalaýǵa, kóptegen jetistikterge jetýine atsalysty. Esimi ujym ataýynda altyn əriptermen jazylyp qalady. Aǵamyzdyń eren eńbegi men ónerge degen qushtarlyǵy jas ónerpazdar úshin úlgi. Marqumnyń jatqan jeri jaıly, jany jánnatta bolsyn!»,- dep jazylǵan kóńil aıtý hatynda.