Aıǵa qonǵan Armstrongtyń buıymdary aýktsıonǵa shyǵaryldy
Aýktsıonǵa shyǵarylǵan zattardyń arasynda ǵaryshkerdiń skafandry, medaldary, fotosýretteri, jazbalary - jalpy eki myńǵa jýyq buıym bar.
2012 jyly ómirden ozǵan aty ańyzǵa aınalǵan ǵaryshkerdiń buıymdaryn aýktsıonǵa onyń otbasy shyǵaryp otyr.
Heritage Auctions aýktsıon úıiniń prezıdenti Greg Roannyń aıtýynsha, Nıl Armstrongtyń jeke múlikterine esh nárse teń kelmeıdi. Óıtkeni ol Aıǵa tabany tıgen alǵashqy adam. Sondyqtan da ony barlyq ǵaryshkerler erekshe qurmettegen.
Eske sala ketsek, 1969 jylǵy 20 shildede amerıkalyq astronavtar Nıl Armstrong pen Bazz Oldrın «Apollon-11» ǵarysh kemesimen Aıǵa ushqan bolatyn. Sol ýaqytta Armstrongtyń ǵarysh kemesinen shyǵyp, eki saǵattan astam ýaqyt boıy Aıda júrgenin tikeleı efırden mıllıondaǵan adam tamashalaǵan edi.