Áıelsiz otbasy bolmaıdy – Merýert Ótekesheva

NUR-SULTAN. QazAqparat – Qazaqtyń Qyz-Jibegi, tanymal kıno jáne teatr ártisi Merýert Ótekesheva elimizdiń qyz-kelinshekterin 8 naýryz merekesimen quttyqtady, dep habarlaıdy QazAqparat tilshisi.

Biz Bıbigúl Ótekeshevany kútpegen jerden elordanyń áýejaıynan kezdestirip qaldyq. Áýejaı qyzmetkerleri óner juldyzyn kelip qalǵan Halyqaralyq áıelder kúni merekesimen quttyqtady.

Óner maıtalmany Qostanaı qalasyna ushyp bara jatyr eken.

«Merekeni kesheden bastap sezinip jatyrmyn. Qazaq ulttyq óner ýnıversıtetinde dáris beremin. Bizde saltanatty shara ótti, sodan kele jatyrmyn. Bizdiń rektor belgili mýzykant, tanymal skrıpkashy Aıman Musaqojaevanyń ózi. Saltanatty sharaǵa ártistermen qatar stýdentter de qatysty. Sondyqtan bizde mereke keshe bastalyp ketken», - dedi Merýert Ótekesheva elorda áýejaıynda tilshilerdiń suraǵyna jaýap bere turyp.

Onyń aıtýynsha, áıel zaty ár otbasynyń quty.

«Biz Otanymyzdy súıemiz. Áıelsiz otbasy bolmaıdy. Áıel ol – qaryndas, ápke, ana, áje. Biz elimizde ómir súrip, jaqsylyq jasaý úshin ózimizdi qorǵaýymyz kerek. Barlyq áıel zatyna densaýlyq pen otbasylyq jaqsylyq tileımin. Árıne, Otanymyz tynysh bolsyn. Bizdiń el ulylar ómir súrgen qasıetti jer. Sondyqtan da barsha janǵa jaqsylyq, beıbitshilik pen tynyshtyq tileımin», - deıdi ol.

Buǵan deıin habarlaǵanymyzdaı, búgin elorda áýejaıynyń qyzmetkerleri áıelderdi 8 naýryz merekesimen quttyqtap, gúl shoqtaryn syılady.