Áıeline zábir kórsetken Maqat aýdanynyń eks-ákimi shartty jazamen qutyldy

<p>ATYRAÝ. KAZINFORM &ndash; Atyraý qalasynyń №2 sotynda Maqat aýdannyń burynǵy ákimi Rınat Ibragımovke qatysty is qaraldy. Burynǵy ákimge QR Qylmystyq kodekstiń 107 babynyń 2-bóliginiń 3-tarmaǵymen aıyp taǵylǵan.</p>

Eks-ákimniń burynǵy áıeli Aqmaral Úmbetqalıeva kúıeýi Rınat Ibragımovten zábir kórgenin aıtyp, áleýmettik jelide vıdeo jarııalaǵan edi. 

Erli-zaıyptylar arasyndaǵy janjal 2023 jylǵy 31 mamyrda Atyraý qalasyndaǵy páterde bolǵan.

Janjal kezinde Rınat Ibragımov jábirlenýshiniń ózine materıaldyq táýeldiligin paıdalanyp, osy negizde urys shyǵarǵan. Áıeli Aqmaral Úmbetqalıevanyń oń ıyǵynan ustap, esikti jaýyp, bólmege kirgizgen.

 Eshkimniń kedergi jasamaıtynyna kóz jetkizip, densaýlyǵyna qasaqana zııan keltirý maqsatynda áıelin edenge qulatqan.

Sol jaq sanynan birneshe ret tepkilegen, sonyń saldarynan jábirlenýshi Aqmaral Úmbetqalıevanyń 5-shi omyrtqasy synyp, yǵysýsyz ortasha aýyrlyqtaǵy zaqym alǵan.

Sottalýshynyń kinási jábirlenýshiniń aıǵaqtarymen, saraptama qorytyndysymen jáne basqa da dáleldemelermen dáleldendi.

Bul qylmys zań boıynsha ortasha aýyrlyq dárejesine jatqyzylady.

«Jaza túrin tańdaý kezinde Rınat Ibragımovtyń buryn sottalmaǵany, minezi oń sıpattalǵany eskerildi. Sot úkimimen oǵan 2 jylǵa bas bostandyǵyn shekteý jazasy taǵaıyndaldy. Jábirlenýshiniń 20 mln teńge moraldyq shyǵyn óndirý týraly azamattyq talap qoıýy ishinara qanaǵattandyrylyp, Rınat Ibragımovten jábirlenýshi Aqmaral Úmbetqalıevanyń paıdasyna 2 mln teńge moraldyq zııandy óteıtin boldy», -dep habarlady sottyń baspasóz qyzmeti.

Sottyń úkimi zańdy kúshine engen joq.

Eske sala ketelik, budan buryn Atyraýda aýdan ákiminiń áıeli kúıeýinen zábir kórgenin aıtqan edi. 

Keıin aýdan ákimniń áreketine qatysty qyzmettik tekserý júrgiziletinin jazǵan bolatynbyz 

Aýdan ákimi Renat Ibragımov áıeliniń aıyptaýyna baılanysty pikir bildirip, óziniń kinásiz ekenin jetkizdi. 

Sońyra Atyraý oblysyndaǵy Maqat aýdanynyń ákimi qyzmetinen ketti.