Áıelin uryp 2 jylǵa sottalǵan eks-ákimniń jazasy jeńildedi

<p>ATYRAÝ. KAZINFORM &ndash; Atyraý turǵynynyń bas bostandyǵy densaýlyqqa qasaqana aýyrlyǵy ortasha zııan keltirgeni úshin bas bostandyǵy 2 jylǵa shektelgen. Alaıda, apellıatsııalyq alqa birinshi satydaǵy sot úkimin ózgertip, jazany aıyppulǵa aýystyrdy.</p>

Atyraý oblystyq sotynyń baspasóz qyzmetinen málim etkendeı, Atyraý qalalyq №2 soty I esimdi azamatty QR Qylmystyq kodeksiniń 107-babynyń 2-bóliginiń 3-tarmaǵymen kináli dep tanyǵan. Oǵan bas bostandyǵyn 2 jylǵa shekteý túrindegi jaza taǵaıyndalǵan.

«Jábirlenýshiniń moraldyq shyǵyn óndirý týraly azamattyq talap qoıýy ishinara qanaǵattandyryldy. Sottalýshydan 2 mln teńge moraldyq zııan ótemaqysy óndirildi. Іs apellıatsııalyq alqaǵa jábirlenýshi jáne qorǵaý tarabynyń shaǵymdary, sondaı-aq prokýrordyń ótinishhaty boıynsha tústi», -dedi oblystyq sottyń baspasóz qyzmeti.

Sot alqasy is materıaldaryn zerdelep, I-diń qylmys jasaýdaǵy kinási jábirlenýshiniń jaýaptarymen, sot-dárigerlik saraptama qortyndysymen dáleldendi degen tujyrymǵa kelgen. Alaıda, kináli adamǵa kórineý belgili materıaldyq jaǵynan táýeldi adamǵa qatysty saralaý belgisi durys taǵylmaǵan dep sheshti.

«Jábirlenýshiniń sottalýshyǵa materıaldyq táýeldiligi týraly dálel usynylmady. Jábirlenýshiniń kásipkerlik qyzmetti júzege asyrǵany, onyń shotyna aqsha túskeni týraly qujattar usynyldy. Osyǵan baılanysty I.-diń áreketi QR Qylmystyq kodeksiniń 107-babynyń 1-bóligimen qaıta saralandy. Oǵan 700 aılyq eseptik kórsetkish mólsherinde (2 mln 415 myń teńge aıyppul jazasy taǵaıyndaldy», -dep málim etti oblystyq sotynyń baspasóz qyzmeti.

Eske sala ketelik, buǵan deıin Atyraýda aýdan ákiminiń áıeli kúıeýinen zábir kórgenin aıtqan edi.

Keıin ákimniń áreketine qatysty qyzmettik tekserý júrgiziletinin  habarlaǵan bolatynbyz.

Sondaı-aq Maqat aýdanynyń ákimi áıeliniń aıyptaýyna baılanysty pikir bildirdi.

Biraz kúnnen soń Atyraý oblysyndaǵy Maqat aýdanynyń ákimi qyzmetinen ketkenin jazǵan edik.