Áıelderge qaraǵanda erler kredıtin kóp keshiktiredi

<p>Qazaqstanda bankter men túrli qarjylyq uıymdardan qaryz alyp, ýaqytynda qaıtara almaı júrgen jeke tulǵalardyń 52 paıyzy &ndash; er adamdar.</p>

Bul rette er adamdar keıingi 5 jyl ishinde defoltqa túsken qaryzdardyń 59 paıyz úlesin alǵan. ıAǵnı, erlerge qaraǵanda áıelder az da bolsa nesıeni mezgilinde tóleýge tyrysady.

Tıisinshe, áıelderge qaraǵanda erlerdiń kredıtteri kóbirek keshirilgen. Qarjylyq retteý agenttiginiń málimetinshe, esepten shyǵarý statıstıkasynda zaemdardyń sany boıynsha da (52%), keshirilgen bereshektiń somasy boıynsha da (59%) erkekter basym túsipti. Keshirilgen nesıelerdiń orta mólsheri erlerde – 545,5 myń teńge bolsa, áıelderde – 438,3 myń teńge.

Osyǵan qaramastan bankter somasy 15 mıllıon teńgeden asatyn iri kredıtterdi erlerge kóbirek beredi. 2 mıllıonǵa deıingi usaq qaryzdarda ǵana áıelderdiń úlesi basym.

Buǵan deıin agenttik tilshisi kredıt alýǵa qatysty qyzyqty derekterdi jınaqtap, oqyrmaǵanǵa usynǵan bolatyn.