Áıelderge arnalǵan vagondarmen 80 myńnan astam jolaýshy saparlaǵan

ASTANA. QazAqparat – Bıylǵy jyl basynan áıelder vagondarynda jol júrý múmkindigin 80 myńnan astam áıel-jolaýshy paıdalanǵan, al pılottyq joba iske qosylǵaly – 200 myńnan astam, dep habarlaıdy QazAqparat «Qazaqstan temir jolynyń» baspasóz qyzmetine silteme jasap.

Búgingi tańda áıelderge arnalǵan vagondar 8 baǵyttaǵy poıyzdarda bar: Almaty – Óskemen, Almaty – Mańǵystaý, Pavlodar – Túrkistan, Mańǵystaý – Semeı, Atyraý – Astana, Aqtóbe – Almaty, Astana – Almaty, Astana – Shymkent.

bilet.railways.kz saıtynda nemese «Jolaýshylar tasymaly» AQ-nyń bılet kassalarynda jol júrý qujattaryn resimdeý kezinde áıelderge arnalǵan vagon «JN» arnaıy lıterasymen belgilenedi.

Vagondarda barlyq qajetti jaǵdaı jasalǵan jáne áıel jolserikter qyzmet kórsetedi. Ár reıs aldynda poıyz brıgadasynyń barlyq qyzmetkerleri nusqaýdan ótedi. 7 jasqa deıingi ul balalar da atalǵan quramda saparlaı alady.