Áıelderdi kóıleginiń astynan sýretke túsirip júrgen 55 jastaǵy Semeı turǵyny bir aıǵa qamalýy múmkin

SEMEI. QazAqparat - Áleýmettik jelilerge monıtorıng júrgizý barysynda beımálim er adamnyń áıelderdi kıiminiń astynan sýretke túsirip júrgen vıdeosy tabyldy, dep habarlaıdy QazAqparat.

Abaı oblysynyń tártip saqshylary oblys ortalyǵynyń 55 jastaǵy turǵynyn anyqtady.

Oǵan qatysty QR ÁQBtK 434-babynyń 2-bóligi boıynsha ákimshilik hattama toltyryldy.

Bul - qoǵamdyq orynda balaǵat sóz aıtý, jeke tulǵalardy qorlaý, ǵımarattardy, ózge de qurylystardy, turǵyn úı-jaılardy, jalpyǵa ortaq paıdalanylatyn oryndardy, kóliktegi jáne ózge de qoǵamdyq oryndardaǵy múlikti qorlaý jáne aınalasyndaǵylarǵa qurmetsizdik bildiretin, qoǵamdyq tártipti jáne jeke tulǵalardyń tynyshtyǵyn buzatyn basqa da osyndaı áreketter.

Osy baptyń sanktsııasymen on bes kúnnen otyz táýlikke deıin ákimshilik qamaýǵa alý kózdelgen.

Materıal sheshim qabyldaý úshin Semeı qalasynyń ákimshilik sotyna jiberildi.