ASTANA. KAZINFORM - Qyrǵyzstan astanasy Bishkek qalasynda ótip jatqan áıelder kúresinen Azııa chempıonatynda qazaqstandyq tórt sportshy jubanysh beldesýine qatysady.
Qurlyqtyq dodada Zýlfııa ıAhıarova (53 keli) jubanysh beldesýinde qyrǵyzstandyq Arýýke Kadyrbek kyzymen kezdesse, Dıana Kaıýmova (59 keli) úndistandyq ıAdav Pýshpamen sheberlik baıqasady.
Al, Albına Qaıyrgeldınova (68 keli) taǵy bir qazaqstandyq Gúlnur Tashtanbekovamen, Elmıra Syzdykova (76 keli) úndistandyq Prııa Prııamen básekege túsedi.
Qurlyqtyq dodada 13-14 sáýir kúnderi áıelder, 15-16 sáýirde grek-rım sheberleri boz kilemge shyǵady.
Qurlyqtyq dodada erkin kúres, grek-rım jáne áıelder kúresinen barlyǵy 30 medal jıyntyǵy sarapqa salynady.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.