Áıelder boksynan Olımpıadaǵa jalǵyz joldama buıyrdy

NUR-SULTAN. QazAqparat – Búgin Iordanııanyń Amman qalasynda ótip jatqan bokstan Olımpıadaǵa irikteý týrnırinde áıelder boksynan Qazaqstan quramasyna jalǵyz joldama buıyrdy, dep habarlaıdy QazAqparat tilshisi.

75 kelide el namysyn qorǵap jatqan qazaqstandyq boksshy Nadejda Rıabets aımaqtyq Olımpıadaǵa irikteý týrnırinde Qazaqstan áıelder komandasynan jalǵyz joldamaǵa ıelik etti.

Ol shırek fınalda vetnamdyq Ngýenmen kezdesip, nátıjesinde tóreshilerdiń bir aýyzdy sheshimimen jeńiske jetti.

Osylaısha, Erik Alǵabek jattyqtyratyn Qazaqstan áıelder komandasynan atalǵan týrnırge barǵan boksshylar arasynan jalǵyz ózi Olımpıadaǵa joldama jeńip aldy.

Erik Alǵabek áıelder boksynan olımpıadalyq irikteý týrnırine 5 salmaqtan 5 boksshy alyp kelgen bolatyn. Ókinishke qaraı sonyń bireýi ǵana Tokıo Olımpıadasyna joldama jeńip aldy.

Esterińizge sala ketsek, lıtsenzııa úshin talasty birinshi bolyp bastaǵan Dámetken Kelimbet (57 keli) qytaılyq In ıÝnhýaǵa jol berse , Rımma Volosenko (60 keli) úndistandyq Sımrandjıtkaýr Baattan jeńildi .

Al, 69 keli salmaqta el namysyn qorǵap jatqan boksshymyz Halzova shırek fınalda qytaılyq Hon Gýdanǵa jol berip, Olımpıada joldamasynan tys qaldy