Áıelder arasynda bokstan jazǵy spartakıada jeńimpazdary anyqtaldy

PETROPAVL. QazAqparat – Petropavl qalasynda áıelder boksynan Qazaqstannyń VI jazǵy spartakıadasy máresine jetti, dep habarlaıdy QazAqparat tilshisi.

Sportty damytý dırektsııasynyń baspasóz qyzmetinen málim etkendeı, tórt jylda bir ret ótetin aıtýly doda qorytyndysynda olımpıadaǵa qajet upaılar sarapqa salynatyn Qytaıdyń Hanchjoý qalasyndaǵy jazǵy Azııa oıyndaryna qatysatyn boksshylar anyqtaldy.

Jarysta 19 óńirden kelgen 90-nan astam bylǵary qolǵap sheberi baq synady.

Olardyń arasynda Úndistanda ótken álem chempıonatynyń júldegerleri, ulttyq quramanyń ózge de músheleri boldy.

Salmaq dárejesi boıynsha jeńimpazdar:

48 kg: Alýa Balqybekova (Almaty q),

50 kg: Nazym Qyzaıbaı (Almaty q),

52 kg: Jazıra Oraqbaeva (Almaty q),

54 kg: Jaına Shekerbekova (Shymkent q),

57 kg: Karına Ibragımova (Aqmola obl),

60 kg: Rımma Volosenko (Astana q),

63,5 kg: Aıda Əbikeeva (Astana q),

66 kg: Natalıa Bogdanova (Petropavl q),

70 kg: Mádına Nurshaeva (Shymkent q),

75 kg: Valentına Halzova (Astana q),

81 kg: Gúlsaıa Erjan (Qyzylorda obl),

+81 kg: Ləzzat Kúngeıbaeva (Astana q).

Jalpy esepte Astana qalasynyń komandasy 4 altyn, 1 qola medalmen kósh bastady.

8 júldege (3 altyn, 2 kúmis, 3 qola) ıe bolǵan Almaty qalasy ekinshi orynǵa kóterildi. Úzdik úshtikti Shymkent boksshylary túıindedi (2 altyn, 4 kúmis).

Karına Ibragımova spartakıadanyń úzdik boksshysy atandy.

Eske sala keteıik, budan buryn Angelına Lýkastyń Petropavldaǵy týrnırdiń shırek fınalynda jeńilip qalǵanyn jazǵan bolatynbyz.