Áıeldi uryp-soqqan erkek ádil jazasyn alýy shart – Jarylqasyn Áziretbergenov
Túrkistan oblysyndaǵy aqsaqaldar alqasy otbasy qundylyqtaryn saqtaý isin burynnan nasıhattap keledi. Qanshama jas otbasylardyń ajyrasýlaryna jol bermeı, saqtap qalǵan kezderi kóp. Tipti, bul baǵytta bir jyldyń ishinde qarııalarǵa keńes surap kelgen júzdegen jaǵdaılar kezdesipti. Barshasyna aqsaqaldar aqylyn aıtyp, keńesin bergen. Bul týraly qoǵamdyq uıymnyń tájirıbesimen bólisken Túrkistan oblystyq aqsaqaldar alqasynyń tóraǵasy Jarylqasyn Áziretbergenov aıtyp berdi.
«Biz kóptegen áıeldiń jesir, balanyń jetim qalýyna jol bermedik. ıAǵnı, eki jaqqa ketýge shaq qalǵan otbasylardy saqtap qaldyq» — deıdi qarııa.
Jarylqasyn Áziretbergenov úıinde ydys-aıaǵy syldyrlaǵan otbasylar endigi jerde aqsaqaldarǵa emes, polıtsııaǵa júginetin bolady degen pikirde.
«Prezıdent búgin «Qazaqstan Respýblıkasynyń keıbir zańnamalyq aktilerine áıelderdiń quqyqtary men balalardyń qaýipsizdigin qamtamasyz etý máseleleri boıynsha ózgertýler men tolyqtyrýlar engizý týraly» Qazaqstan Respýblıkasynyń zańyna qol qoıdy. Endi kúıeýinen taıaq jep, otbasy zorlyq zombylyǵyn kórgen kelinshekter birden polıtsıaǵa júginetin bolady. Árıne, bul durys. Áıelge álimjettik kórsetip, uryp-soqqan erkek ádil jazasyn alýy shart» — deıdi aqsaqal.
Sondaı-aq, áıel — ana, al anany urýǵa bolmaıtyndyǵyn aıtqan Jarylqasyn Áziretbergenov áıelder men balalarǵa qatysty kez kelgen sıpattaǵy zorlyq-zombylyq úshin jaýapkershiliktiń qatańdatylǵandyǵyn aıtyp, erkekterge eskertý jasady.
«Jalpy bir jaǵynan bul zań bizge erterek keldi me dep te oılaımyn. Sebebi, qazirgi kezde qoǵamdaǵy kóptegen adamdardyń mentalıteti bul úrdiske daıyn bolmaýy da múmkin. Zańǵa sáıkes densaýlyqqa qasaqana jeńil zııan keltirý jáne uryp-soǵý qylmystyq quqyq buzýshylyq retinde tanyldy. Densaýlyqqa qasaqana aýyrlyǵy ortasha jáne aýyr zııan keltirýge qatysty jaýapkershilik qatańdatyldy. Muny árbir erkek bilýi tıis» — dedi ol.
Qazaq eshqashan jesiri men jetimin jylatpaǵandyǵyn aıtqan Jarylqasyn Áziretbergenov qalaı bolǵan kúnde de otbasyn saqtap qalý kerektigin jetkizdi.
«Ajyrasý bylaı tursyn, buryn kúıeýi qaıtsa, jesirin jerde qaldyrmaı týysyna alyp beretin. ıAǵnı, bala jetim kalmasyn, basqa bosaǵany attamasyn degen nıetpen. Al, qazir ajyrasýshylar bul máseleni esh oılanbaıdy da. Bul jerde eń qıyny balanyń jetim ósetindigin. Sondyqtan árbir adam óz otbasyn saqtap qalýy qajet»-dedi aqsaqal.