Aıdyn Eljanovtyń AQSh-taǵy kelesi jekpe-jegi ótetin kún belgili boldy

ASTANA. QazAqparat - Qazaqstandyq kásipqoı boksshy Aıdyn Eljanovtyń (6-1-1, 4 KO) kelesi jekpe-jegi ótetin kún belgili boldy, dep habarlaıdy QazAqparat Sports.kz saıtyna silteme jasap.

Eljanovtyń rıngke qaıta oralýy 22 shildege belgilendi. Kezdesý AQSh-tyń Kalıfornııa shtatyndaǵy Long-Bıch qalasynda ótedi. Qarsylastyń esimi ázirshe jarııalanbaıdy.

Osynyń aldyndaǵy jekpe-jegin de Aıdyn Long-Bıchte ótkizgen bolatyn. Ol joly tóreshilerdiń sheshimimen qarsylasy Hýan Ernandes Martınes (2-2-2) ekeýi teń tústi dep tanylǵan.

Osy jekpe-jeginiń aldyndaǵy kezdesýi aqpan aıynda ótti. Ol Qostanaı týmasynyń AQSh-taǵy alǵashqy ári bes jyldyq úzilisten keıingi jekpe-jegi edi.