Aıdyn Aıymbetovtiń ushyrylym baǵdarlamasy on eksperımentti qamtıdy (FOTO)

MÁSKEÝ. QazAqparat - Reseılik HǴS segmentine qazaqstandyq ǵaryshkerdiń ushyrylym baǵdarlamasyn daıyndaýdy Qazǵarysh «Ulttyq ǵaryshtyq zertteý jáne tehnologııalar ortalyǵy» AQ-ǵa (UǴZTO) tapsyrǵan.

Baǵdarlama basshysy, «UǴZTO» AQ prezıdenti Jumabek Jantaev qazaqstandyq ǵaryshkerdiń ushyrylymyna kelisimshartqa qol qoıǵannan keıin QazAqparatqa bergen qysqasha suhbatynda Aıdyn Aıymbetov HǴS bortynda on eksperıment oryndaıtynyn aıtty. Olardyń ishinde tabıǵı-resýrstyq jáne geofızıkalyq monıtorıng boıynsha zertteý bar.

Mysaly, «Qorǵaý» eksperımenti ýaqytynda ǵaryshkerimiz orbıtada jerústi-ǵaryshtyq boljaý júıesin, tabıǵı jáne tehnogendik apattardyń zalalyn azaıtyp, saldaryn joıýdyń eksperımentaldyq jumysyn júrgizedi.

«Kýlonovskıı krıstall» ǵylymı zertteýi mıkrogravıtatsııa jaǵdaıynda magnıtti alańda zarıadty bólshekterdiń qurylymy men dınamıkasyn zerdeleýdi boljaıdy.

HǴS bortynan qazaqstandyq ǵaryshkerdiń beınejazba, radıobaılanys seanstary kórsetiledi. Bul Qazaqstan jas ǵaryshkerler mektebiniń negizin qalaýshy jáne basshysy Aıdyn Aıymbetovtiń «Uly bastama» atty ózindik «ǵarysh sabaǵy» bolmaq.

«Baǵdarlama óte mazmundy, oǵan barlyq yqtımal eksperımentter endi. Ortalyq qyzmetkerlerine aýqymdy eńbegi úshin alǵysymdy bildiremin», dedi sóziniń sońynda J. Jantaev.