Aıdyn Aıymbetov ǵaryshqa ushar aldyndaǵy ózindik joralǵylary jaıly aıtty
«Eń aldymen, ǵaryshkerler arasynda qalyptasqan jón-joralǵy boıynsha, tuńǵysh ǵaryshker Gagarınniń týǵan jerine baramyz. Soǵys jyldarynan beri turǵan jer úıiniń qasynda qudyq bar, qudyqtyń sýy tastaı bolyp turady. Mine, ǵaryshqa attanatyn ushqyshtar mindetti túrde sol qudyqtan sý ishýi kerek. Taǵy bir beıresmı joralǵy - ǵaryshqa bara jatqan adam avtograf bermeıdi. Odan bólek, ǵaryshker úıine baryp mindetti túrde «Beloe solntse pýstynı» fılmin kórýi tıis», - deıdi A.Aıymbetov. Al resmı sharalar retinde Ǵaryshkerler alleıasyna aǵash egip, Gagarınniń mýzeıine, Gagarınniń úıine baramyz deıdi, Aıdyn Aıymbetov. Aıta keteıik, 2015 jylǵy tarıhı oqıǵalardyń biri - táýelsiz Qazaqstannyń azamattary arasynda tuńǵysh ret Aıdyn Aıymbetov «Soıýz TMA-18M» raketasymen ǵaryshqa ushty. 9 kún 20 saǵattan astam ýaqyt boıy halyqaralyq ǵarysh stansasynda júrgen ol Qazaqstannyń bes ǵarysh baǵdarlamasyn, sonymen qatar 20 ǵylymı zertteýin oıdaǵydaı júrgizip keldi. Ǵaryshtan aman-esen oralǵan A.Aıymbetovke QR Prezıdenti N.Nazarbaev «Halyq Qaharmany» ataǵyn berdi.