Aıdyn Aıymbetov 7 mamyrǵa oraılastyrylǵan aktsııany qoldady
«7 mamyr erik-jigeri myqty, qaısar minezdi er-azamattardyń meıramy bolyp esepteledi. Árbir er adam jaýyngerlik bekette nemese ózge de jaǵdaılarda eń aldymen, óziniń otbasy jáne Otany úshin senimdi tirek, qorǵaýshy bolyp keledi. Jáne árqaısysy óziniń qajyrly nemese beıbit qyzmetimen Qazaqstannyń egemendigi men kúsh-qýatyn nyǵaıtady, onyń damýy men ósip-órkendeýine súbeli úles qosady», - dedi Aıdyn Aıymbetov.
Áskerı ushqysh, ǵaryshker synaýshy, Qazaqstannyń halyq batyry Aıdyn Aıymbetov Otan qorǵaýshylar kúni qarsańynda Qarýly Kúshteri ótkizip jatqan «Er - eldiń qorǵany» aktsııasyna qatysty.
#kzarmy ı #7mamyr heshtegimen áleýmettik jelilerde ótip jatqan osynaý quttyqtaý aktsııasy búkil Qazaqstandy qamtydy. 500-ge jýyq adam barlyq áleýmettik jelilerde 7 mamyr sımvolıkasy túrinde salynǵan akvagrımi bar óz fotosýretterin joldady. Atalmysh aktsııa Qazaqstannyń tanymal blogerleri, jýrnalısteri, áıgili estrada juldyzdary Roza Rymbaeva, Tamara Asar, sondaı-aq ultjandylyqtaryn tanytyp, Otan qorǵaýshylar kúnimen quttyqtaǵysy kelgen qarapaıym qazaqstandyqtar arasynda da qoldaý tapty.