Aıdos Úkibaı: Elbasy týraly aqparatty barynsha jedel taratamyn
12:34, 25 Sáýir 2019
NUR-SULTAN. QazAqparat - Elbasynyń baspasóz hatshysy Aıdos Úkibaı óziniń Tvıtterdegi paraqshasy bar ekenin rastady, dep habarlaıdy QazAqparat.
«QR Tuńǵysh Prezıdenti Nursultan Nazarbaevtyń qyzmeti týraly aqparatty barynsha jedel taratýǵa tyrysamyn. Tvıtterde óz akkaýntymdy ashtym», - dep jazdy A.Úkibaı Tvıtterdegi paraqshasynda.
Sonymen qatar, ol bul akkaýnttyń ózine tıesili ekenin rastady.
«Bul jerde sizdermen Elbasynyń qyzmeti týraly aqparatpen, biregeı fotosýrettermen bólisip otyramyn», - dedi Aıdos Úkibaı.