Aıdos Sultanǵalı Olımpıada joldamasyn jeńip aldy

<p>BІShKEK. KAZINFORM &mdash; Qyrǵyzstan astanasy Bishkek qalasynda kúres túrlerinen ótip jatqan lıtsenzııalyq týrnırde grek-rım kúresinen Aıdos Sultanǵalı Olımpıada joldamasyn jeńip aldy.</p>

Atap aıtsaq, álem chempıonatynyń 2 márte qola júldegeri 60 kelidegi Aıdos Sultanǵalı jartylaı fınalda Taıpeı ókili, Azııa chempıonatynyń qola júldegeri Jýı Chı Hýangtan basym tústi.

Sultanǵalı shırek fınalda Tájikstan ókili Aslamdjon Azızovtan 2:1 esebimen basym túsken edi.

Osylaısha Aıdos Sultanǵalı Qazaqstan qorjynyna 44-shi joldamany syılady.

Osyǵan deıin Ońtústik Koreıanyń Chýndjý qalasynda akademııalyq eskek esýden ótip jatqan Azııa qurlyǵynyń lıtsenzııalyq jarysynda Vladıslav ıAkovlev jekeleı synda top jaryp, Frantsııa astanasy Parıj qalasynda ótetin XXXIII jazǵy Olımpıada oıyndaryna 43 joldamany jeńip aldy.

Endi 67 kelidegi Meıirjan Shermahanbet, 77 keli salmaqtaǵy ulttyq quramanyń tájirıbeli balýany, álem chempıonatynyń kúmis júldegeri Demeý Jadyraev, jáne asa aýyr salmaqtaǵy (130 keli) Álimhan Syzdyqov Olımpıada joldamasyna talasady. 

Ókinishke qaraı, 97 keli salmaqtaǵy Oljas Syrlybaı alǵashqy aınalymda Japonııa sportshysy ıÝrı Nakazatadan 1:2 esebimen ese jiberip, jarysty erte aıaqtady.