Aıdos Sultanǵalı: Olımpıadada tabysqa jetýge kúsh salamyn

<p>QYZYLORDA. KAZINFORM &mdash; Qyzylordalyq grek-rım kúresiniń sheberi Aıdos Sultanǵalı Parıj Olımpıadasynda baq synaıdy. Qazir ol dúbirli dodaǵa daıyndyq barysyn pysyqtaýda.</p>

Tájirıbeli balýan Qyrǵyzstan astanasy Bishkek qalasynda ótken lıtsenzııalyq týrnırde Olımpıada joldamasyna ıe bolǵan edi. Aldymen ol Irak balýanyn jeńip, odan keıin tájikstandyq Aslamjon Azızovty qapy qaldyrdy. Sheshýshi kezeńde taıpeılik balýandy aıqyn basymdyqpen jeńdi. Osylaısha Parıj Olımpıadasyna joldama aldy.

Aıdos Sultanǵalı 1996 jyly 7 aqpanda Qyzylorda qalasynda dúnıege kelgen. Oǵan Vıktor ıÝn jáne Ǵabıden Raıymbek syndy bapkerler tálim bergen. Jastar jáne jasóspirimder arasyndaǵy túrli básekelerde top jarǵan jerlesimiz 2018 jyly Álem chempıonatynda qola medal alǵan edi. Sol jetistigin 2022 jyly taǵy bir márte qaıtalady. Sondaı-aq, onyń enshisinde 2021 jylǵy Azııa chempıonatynda alǵan altyn medal bar.

«Grek-rım kúresimen ekinshi synyptan bastap shuǵyldanyp kelemin. Olımpıadada baq synaýdy aldyma maqsat ettim. Armanym oryndaldy. Jeńiske jetýge bar kúshimdi salamyn», — dedi ol.

Aıdos 22 jasynda Býdapeshtte (2018) ótken Álem chempıonatynyń qola júldegeri atandy. 2021 jyly Olımpıada qarsańynda Almatyda ótken Azııa birinshiliginde top jardy. Shárshenbekov — óte myqty sportshy. Jolaman eki dúrkin Álem chempıony, Álem birinshiliginiń eki dúrkin kúmis júldegeri bolǵan. 

Aıta ketsek, oblys atynan bokstan Qamshybek Qońqabaev (91 keliden joǵary), dzıýdodan Abylaıhan Jubanazar (81 keli) jáne Nurlyhan Sharhan (100 keli) Parıjge attanady.