Aıdos Sarym jer máselesine qatysty aýqymdy saýalnama júrgizýdi usyndy

NUR-SULTAN. QazAqparat – Jer reformasy jónindegi komıssııanyń birinshi otyrysynda Májilis depýtaty Aıdos Sarym aýyl sharýashylyǵyna qatysty tıisti saýalnama júrgizýdi usyndy, dep habarlaıdy QazAqparat tilshisi.

«Usynysqa toqtalsaq, tıisti baǵyttar boıynsha 5-6 top quryp, osyndaǵy azamattardy bólip, 5-6 poshta jáshigin ashyp, sonda usynystar jınap, kásibı kishigirim talqylaýdy uıymdastyrsaq. Bálkim, 5-6 taqyryp boıynsha tematıkalyq otyrystar uıymdastyryp, mamandardy shaqyrsaq», - dedi depýtat.

Sonymen qatar ol jer máselesine qatysty tıisti saýalnama júrgizý kerektigin aıtty.

«Kóptegen máseleni tek qana ınternetke, áleýmettik jelige qarap aıtyp otyrmyz ǵoı. Múmkin aýqymdy 1-2 saýalnama júrgizilse... Aýyl sharýashylyǵy salasy mamandarynyń, fermerlerdiń arasynda osyndaı saýalnama qamtylýy kerek bolar. Jalpy, osyndaı keshendi taqyrypta halyqtyń jáne aýylda turyp jatqan azamattardy, kásipkerlerdiń kózqarasy qandaı? Biz qoǵam retinde jańaǵydaı aýqymdy máselege daıynbyz ba? Bizge barynsha durys sheshim qabyldap, barynsha durys paıym bolýy úshin osyndaı saýalnama jasalsa degen usynys bar», - dedi A. Sarym.