Aıdos Sarym: Saıasat – erikkeniń ermegi emes
Onyń aıtýynsha, saıası ómir Almaty, Nur-Sultan jáne birneshe oblys ortalyqtarynda ǵana bar.
«Saıasat – erikkeniń ermegi emes. Bir ǵana mysal keltireıin. Bizde partııa tizimi degen uǵym bar. Partııa usynyp otyrǵan tizimdegi úmitkerge 639 myń teńge aqsha tóleýi kerek. ıAǵnı, 10 adam usynsańyz 6 mln, 100 adam usynsańyz 63 mln teńge qajet. Bul tek qana tizimdi usyný úshin. Ol ońaı emes. ıAǵnı, ekiniń biri partııa qura almaıdy. Meniń oıymsha, kóp partııadan góri árbir aımaqta, aýdanda, aýylda naqty, myqty ókili bar partııa kerek. Bizge jalpyulttyq partııalar qajet. Men shaǵyn partııalarǵa qarsymyn. Sebebi, bizdiń elde separatızm degen áńgime bar. Partııa degenimzi ol – saıası mashına. Mysaly, Qarǵyzstanda 200 partııa bar. Solardyń tek 15-i ǵana saılaýǵa aqsha jınaı aldy. Qazir qarjylary taýsylyp, qalaı saılaýǵa túsemiz dep otyr. Bizdiń elde saıası ómir Almaty, Nur-Sultan jáne sanaýly oblys ortalyqtarynda ǵana júrip jatyr»,– deıdi saıasattanýshy.
Sonymen qatar, ol qoǵamda saıası belsendiliktiń tómen ekenin tilge tıek etti.
«Bizdiń qoǵam, halyq kóp nárseni shatastyrady. Onyń ishinde saıasattyń maqsaty men saıasattyń keıbir quralyn shatastyryp alady. Feısbýkke post jazý — saıasat emes. Ol saıasatty jetkizý. Mıtıng, pıket ótkizý ol saıasat emes - ol belgili maqsattan týyndaǵan qajettilik. Sony bılikke jetkizýdiń joly. Saıasattyń eń úlken maqsaty, múdessi - ol bıýdjet, zańdar men baǵdarlamalar. Parlamentte sóılegen sózderdiń bári saıasat emes. Shyn saıasat sen bir baǵdarlama ázirlep, ony qorǵap, dáleldeı alsań — sol»,– deıdi ol.
Saıasattanýshy saıası júıe belgili bir ýaqytta daǵdarysqa túsip otyratynyn jetkizdi.
«Daǵdarystan qoryqpaý kerek. Saıası taptyń ózgeriske daıyn nemese daıyn emestigin aıqyndap beredi. Qytaıdyń myqty bir tujyrymdamasy bar. Ol «Aspan mandaty» dep atalady. Eger belgili bir júıe qandaı da bir jolmen bılikke kelsin, kelmesin, eń bastysy búkil synaqtan, saıası dodadan, tozaqtan aman ótetin bolsa, ıaǵnı aspannyń ózi oǵan mandat berdi. Onyń bılikke qaqysy bar. Sol sııaqty saıası júıede «aspan mandatyn» qıyn qystaý, daǵdarys kezinde dáleldep otyrý kerek. Osydan aman shyqty ma, ıaǵnı potentsıaly bar. Bizde ekiniń biri kóp áńgime aıtady. «Búgingi bılik ermeksaz, búgingi bılik karton» dep jatady. Bul karton memleket áli talaı adamnyń ómirin ózgertip jiberýi múmkin. Jaqsy bolsyn, jaman bolsyn, myqty memleket kóp nárseni sheshe alady. Qırap jatqan joqpyz, dalada tezek terip júrgen joqpyz. Ras, qıyndyqtar bar, kedeıshilik bar, ony joqqa shyǵara almaımyz. Ony aıtý kerek. Onymen kúresý kerek. Biraq álsiz memleket emespiz»,– dep qorytyndylady Aıdos Sarym.