Aıdos Sarym: Men úshin Táýelsizdik pen bostandyq – absolıýtti qundylyq

ALMATY. QazAqparat - Men úshin Táýelsizdik pen bostandyq – absolıýtti qundylyq. Bul týraly Almatyda Prezıdenti QR Qasym-Jomart Toqaevtyń Joldaýynda jarııalanǵan saıası reformalar baǵdarlamasyn qoldaý maqsatynda ótken mıtıngte Májilis depýtaty Aıdos Sarym aıtty, dep habarlaıdy QazAqparat.

«AMANAT» partııasy qoǵamnyń saıası modernızatsııasynyń basynda turýy tıis. Ashyqtyq, ádildik pen halyq únine qulaq asý – partııa jumysynyń jańa qaǵıdaty. Qazirgi tańda birlikke shaqyrý popýlızm emes, qajettilik. Men úshin Táýelsizdik pen bostandyq – absolıýtti qundylyq. Biz barlyq qoǵamdyq-saıası kúshterdi áriptestikke, birge jumys isteýge, jańa Qazaqstandy birge qurýǵa shaqyramyz», -dedi depýtat.

Sondaı-aq Májilis depýtaty Saıasat Nurbek «Búgingi tańdaǵy qoǵamnyń asa ózekti suranystarynyń biri – partııanyń ashyqtyǵy jáne halyqqa jaqyn bolýy. Biz partııa men azamattyq qoǵam arasyndaǵy dıalogtyń jańa mádenıetin qalyptastyramyz.

«Qazaqstan Prezıdenti Qasym-Jomart Kemelulynyń búgingi tańda júzege asyryp jatqan saıası, áleýmettik-ekonomıkalyq reformalar baǵytynyń negizgi prıntsıpteri – sabaqtastyq, ádilettilik jáne progress boldy. Memleket basshysynyń ustanymyna aınalǵan «Halyq únine qulaq asatyn memleket» tujyrymdamasy elimizdiń áleýmettik-ekonomıkalyq damýynyń uzaqmerzimdi nyq qadamy»,-dedi Saıasat Nurbek.