Aıdarbek Qojanazarov kólik syılaǵan Ábıba Ábýjaqynova Respublica partııasyna óte me?

<p>ASTANA. KAZINFORM &ndash; Parıj Olımpıadasynda qaısarlyǵymen eldiń qoshemetine bólengen dzıýdoshy Ábıba Ábýjaqynova Respublica partııasyna kirýi múmkin be? Atalǵan partııanyń teń tóraǵasy, kásipker Aıdarbek Qojanazarov sportshyǵa kólik syılaǵannan keıin áleýmettik jelide osyndaı suraqtar qoıylyp jatyr. Kazinform tilshisi osy suraqty dzıýdoshynyń ózine qoıdy.</p>

«Men saıasatqa aralaspaımyn. Eshbir partııada joqpyn. Bolashaqta da ondaıǵa bara qoımaspyn», - deıdi sportshy.

Otandasymyz bir aıdan keıin kelesi olımpıadalyq tsıklge daıyndyqty bastaıtynyn da aıtty.

«Oqý-jattyǵý jıyndaryn bir aıdan keıin bastaımyn. Sol kezde bárine analız jasaımyz. Ázirge halyqtyń jyly lebizinen qýat alyp júrmin. Jurttyń 90 paıyzy qoldaý bildirse, 10 paıyzdaıy «medal almaǵan adamǵa nege kólik berildi» dep túsinbeı jatyr. Men surap alǵan joqpyn. Kerek adam qaıtaryp ala bersin. Kólik syılaǵan aǵamyz qaıta-qaıta habarlasyp, alańdaǵan soń, Astanaǵa shaqyryp aldy. Negizi basynda ol kólikti almaımyn dep aıtqanmyn. Syn aıtyp júrgender sony bilse eken deımin. Dzıýdony úzbeı kórip júretinder buǵan deıingi halyqaralyq jarystarda federatsııamyzdyń týyn jyqpaı, jalǵyz ózim medal alǵan sátterdi eske salyp, bul syıǵa laıyq ekenimdi aıtyp jatyr. Ol nıetterine rahmet», - deıdi Ábıba Ábýjaqynova.