Aıdar Qazybaev: Reseı kompanııalary AHQO-ǵa tirkele bastady
S. Amanjolov atyndaǵy ShQMÝ stýdentterimen ótken kezdesýde qarjy ortalyǵynyń basqarýshy dırektory Aıdar Qazybaev Reseıge salynǵan sanktsııalar ortalyq jumysyna tıimdi áser etip jatqanyn atady.
"Qarjy ortalyǵynyń qurylǵanyna kóp bolmasa da, sheteldik kompanııalardyń qyzyǵýshylyǵy joǵary. Uıymdy halyqaralyq arenada moıyndatý úshin el Konstıtýtsııasyna da tıisti ózgertýler engizdik. Sońǵy kezde Reseı kompanııalary bizdiń ortalyq arqyly tirkele bastady. Sońǵy salynǵan sanktsııalar bizdiń jumysymyzǵa birshama tıimdi áser etti. Sanktsııa táýekelinen saqtanǵan ınvestorlar "Astana" alańyn áldeqaıda senimdi orta dep tanyp otyr" - dedi Aıdar Qazybaev.
Ol sondaı-aq, atalmysh ortalyqta valıýta erkindigi saqtalatynyn, "Astana" seriktesteri Qazaqstan aýmaǵynda 50 jylǵa korporatıvtik salyǵynan bosatylatynyn aıtty.
"Osynyń arqasynda bizdiń Ortalyq Máskeý, Sankt-Peterbýrg, Rıga qarjy ortalyqtarynyń aldyna shyǵyp otyr. Bolashaqta álemdegi 50 úzdik qarjy ortalyǵynyń qataryna kirýdi josparlap otyrmyz" - dedi Aıdar Qazybaev.