Aıdar Áriphanov QR Ulttyq ekonomıka vıtse-mınıstri bolyp taǵaıyndaldy
11:51, 18 Qarasha 2015
ASTANA. QazAqparat - QR Ulttyq ekonomıka mınıstri Erbolat Dosaev mınıstrlik ujymyna jańa ulttyq ekonomıka vıtse-mınıstri Aıdar Áriphanovty tanystyrdy, dep habarlaıdy mınıstrliktiń baspasóz qyzmetinen.
Aıdar Áriphanov Qazaq memlekettik basqarý akademııasyn bitirgen, QR SІM Dıplomatııalyq akademııasyn úzdik aıaqtady. «Bolashaq» prezıdenttik baǵdarlamasynyń aıasynda Kolýmbııa ýnıversıtetin bitirip, 2008 jyly ekonomıkalyq saıasatty basqarý baǵdarlamasy boıynsha memlekettik ákimshilendirý magıstri dárejesin aldy. Ár jyldary ol QR qarjy vıtse-mınıstri, QR Premer-Mınıstri Kantselıarııasynyń basshysynyń orynbasary, QR Eńbek jáne áleýmettik qorǵaý vıtse-mınıstri, QR Premer-Mınıstriniń keńesshisi, QR Aqparattandyrý jáne baılanys agenttigi tóraǵasynyń orynbasary, «Qazaqtelekom» AQ basqarýshy dırektory boldy. 2011 jylǵy mamyrdan bastap «Qazatomónerkásip» UAK» AQ basqarmasy tórǵasynyń ekonomıka jáne qarjy jónindegi orynbasary laýazymyn atqardy.