«Aıbyn-2021» áskerı-patrıottyq jastar jıynynyń jeńimpazdary belgili boldy

NUR-SULTAN. QazAqparat – Elordada ótken I respýblıkalyq jas patrıottar forýmynyń aıasynda «Aıbyn-2021» áskerı-patrıottyq jastar jıynynyń jeńimpazdary marapattaldy, dep habarlaıdy QazAqparat tilshisi.

«Jas Sarbaz – jas tilshisi» nomınatsııasy boıynsha Shymkent qalasy «Jas Ulan» respýblıkalyq erler mektebiniń oqýshysy Ernur Aslanbek, «Ontústik» óńirlik qolbasshylyǵynyń «Jas artellerıst» áskerı-patrıottyq klýb múshesi Valerııa Cherevko marapattaldy.

Sondaı-aq, «Aıbyn» VII respýblıkalyq áskerı-patrıottyq jastar jıynynda úzdik tanylǵandar marapattaldy. Olar:

Jeke tártip boıynsha 1 oryn – Qaraǵandy qalasy, Baýyrjan Momyshuly atyndaǵy mektep-bóbekjaıdyń tárbıelenýshisi Rýslan Atantaev;

Aımaqtar arasynda 1 oryn – Túrkistan oblysynyń «Barys» áskerı-patrıottyq klýby;

Áskerı mekemeler arasynda 1 oryn – Nur-Sultan qalasynyń S.Nurmaǵambetov atyndaǵy áskerı kolledji.

QR Qarýly Kúshteri, basqa da áskerı quralymdary arasynda 1 oryn – «Ońtústik» óńirlik qolbasshylyǵynyń «Jas artıllerıst» áskerı-patrıottyq klýby;

«Aıbyn» VII respýblıkalyq áskerı-patrıottyq jastar jıynynyń Bas júldesi – «Ońtústik» óńirlik qolbasshylyǵyna qarasty «Jas artıllerıst» áskerı-patrıottyq klýby.

Al «Úzdik jas sarbaz» nomınatsııasyn Túrkistan oblysy «Tólebı tarlandary» áskerı-patrıottyq klýbynyń ókili Sáýle Ahmetova jeńip aldy.